كابوس

حلمت اني باشوف
تشكيل  الجلوس
علي العروش

قال ايه
الرئيس
خبير التزغيط
و تاجر  كبير
في محصول الجرجير
جناب الزعيم
عكاشة الكبير

ثائر  قدير
و معبود الجماهير
ومعتصم  شهير
في العباسية

قال ايه
رئيس الحكومة
ابو اسماعيل
هيمنع البكيني
و السائح الي يجيني
لابس  قصير
او بيشرب نبيت
هيروحه عالبيت
و المصري العربيد
هينضرب عال تيييييييييييييييييييييييت

هيفرض الحجاب
و يقعد البنات
و يقعد الستات
جوه البيوت
و يدفع النصاري
    الجزية  بالمرارة

قال ايه
عينوا الشحات
وزيرا للاثارات
 ينقل الاصنام
و معابد الاوثان
بعيد عن العمران

قال ايه
وزير السياحة
بكار  المكار
 كل سايحة بنقاب
و المخالف له عقاب

قال ايه ممنوع خمور
قال ايه العوم في البحور
بالمايوه المشروع
قال ايه الاختلاط ممنوع
و الي مش عاجبه يغور

ده حلم و لا كابوس
ولا مستقبل منحوس
لبلد حاكمها جاسوس
و مجلس من اللصوص
يقبض من الخليج فلوس


بقلم لورانس و وليم