ⲧ̀ⲁⲣⲭⲏ ⲛ̀ⲁϫⲡ ⲛⲓⲃⲉⲛ

 

ⲧ̀ⲁⲣⲭⲏ ⲛ̀ⲁⲅⲡ ⲛⲓⲃⲉⲛ ⲛ̀ⲧⲉ ϯⲁⲅⲡⲓⲁ̀ ⲛ̀ⲣⲉⲙⲛ̀Ⲭⲏⲙⲓ , ⲉⲃⲟⲗϩⲁ ⲡⲓⲥ̀ϧⲁⲓ ⲛ̀ϫⲓϫ ⲛ̀ⲧⲉ ⲡⲓϩⲩⲅⲟⲙⲉⲛⲟⲥ Ⲓⲱⳕⲁⲛⲛⲁ (Ⲓⲱⲁⲛⲛⲏⲥ ) Ⲥⲁⲗⲁⲙⲁ ⲫⲏⲉⲧⲁϥϣⲱⲡⲓ ⲙⲉⲛⲉⲛⲥⲁ ⲙ̀ⲫⲁⲓ Ⲡⲁⲡⲁ ⲁⲃⲃⲁ Ⲕⲩⲣⲉⲗⲗⲟⲥ ⲡⲓⲙⲁϩ ⲇ̅

the 1st of every hour in Coptic Agpya in Bohiric Coptic from a manuscript written by the hands of Pastor Iwannis salama who later became Pope kyrellos the 4th

Ϧⲉⲛ Ⲫ̀ⲣⲁⲛ
Ⲙ̀Ⲫ̀ⲓⲱⲧ ⲛⲉⲙ Ⲡ̀ϣⲏⲣⲓ
ⲛⲉⲙ ⲡⲓⲠ̀ⲛⲉⲩⲙⲁ ⲉⲑⲟⲩⲁⲃ
ⲟⲩⲚⲟⲩϯ ⲛ̀ⲟⲩⲱⲧ
Ⲁⲙⲏⲛ

Ⲕⲩⲣⲓⲉ̀ ⲉ̀ⲗⲏ̀ⲥⲟⲛ ⲕⲩⲣⲓⲉ̀ ⲉ̀ⲗⲉⲏ̀ⲥⲟⲛ
ⲕⲩⲣⲓⲉ̀ ⲉⲩⲗⲟⲅⲓⲥⲟⲛ
Ⲁ̀ⲙⲏⲛ

Ⲇⲟⲝⲁ ⲡⲁⲧⲣⲓ ⲕⲁⲓ ⲩⲓⲱ ⲕⲁⲓ ⲁⲅⲓⲱ ⲡ̀ⲛⲉⲩⲙⲁⲧⲓ
Ⲕⲁⲓ ⲛⲩⲛ ⲕⲁⲓ ⲁⲉⲓ ⲕⲁⲓ ⲉⲓⲥⲧⲟⲩⲥ ⲁⲓⲱⲛⲁⲥ ⲧⲱⲛ ⲁⲓⲱ̀ⲛⲱⲛ
Ⲁ̀ⲙⲏⲛ

Ⲁⲣⲓⲧⲉⲛ ⲛ̀ⲉⲙⲡ̀ϣⲁ ⲛ̀ϫⲟⲥ ϧⲉⲛ ⲟⲩϣⲉⲡϩⲙⲟⲧ :

Ϫⲉ Ⲡⲉⲛⲓⲱⲧ ⲉⲧ ϧⲉⲛ ⲛⲓⲫⲏⲟⲩⲓ̀ .
Ⲙⲁⲣⲉϥ ⲧⲟⲩⲃⲟ ⲛ̀ϫⲉ ⲡⲉⲕⲣⲁⲛ .

Ⲙⲁⲣⲉⲥ ⲓ̀ ⲛ̀ϫⲉ ⲧⲉⲕⲙⲉⲧⲟⲩⲣⲟ .

Ⲡⲉⲧⲉϩⲛⲁⲕ ⲙⲁⲣⲉϥϣⲱⲡⲓ , ⲙ̀ⲫ̀ⲣⲏϯ ϧⲉⲛ ⲧ̀ⲫⲉ ⲛⲉⲙ ϩⲓϫⲉⲛ ⲡⲓⲕⲁϩⲓ .

Ⲡⲉⲛⲱⲓⲕ ⲛ̀ⲧⲉ ⲡⲓⲣⲁⲥϯ , ⲙⲏⲓϥ ⲛⲁⲛ ⲙ̀ⲫⲟⲟⲩ .

Ⲟⲩⲟϩ ⲭⲁ ⲛ̀ⲛⲏⲉ̀ⲧⲉⲣⲟⲛ ⲛⲁⲛ ⲉ̀ⲃⲟⲗ ,ⲙ̀ⲫⲣⲏϯ ⲛ̀ⲧⲉⲛ ⲭⲱ ⲉ̀ⲃⲟⲗ ⲛ̀ⲛⲏⲉ̀ⲧⲉ ⲟⲩⲟⲛ ⲛ̀ⲧⲁⲛ ⲉ̀ⲣⲱⲟⲩ .

Ⲟⲩⲟϩ ⲙ̀ⲡⲉⲣ ⲉ̀ⲛⲧⲉⲛ ⲉ̀ϧⲟⲩⲛ ⲉ̀ⲡⲓⲣⲁⲥⲙⲟⲥ , Ⲁⲗⲗⲁ ⲛⲁϩⲙⲉⲛ ⲉ̀ⲃⲟⲗ ϩⲁ ⲡⲓⲡⲉⲧϩⲱⲟⲩ .

Ϧⲉⲛ ⲠⲓⲬⲣⲓⲥⲧⲟⲥ Ⲓⲏⲥⲟⲥ ⲠⲉⲛϬⲟⲓⲥ .
Ϫⲉ ⲑⲱⲕ ⲧⲉ ϯⲙⲉⲧⲟⲩⲣⲟ ⲛⲉⲙ ϯϫⲟⲙ ⲛⲉⲙ ⲡⲓⲱⲟⲩ ,

Ϣⲁ ⲉ̀ⲛⲉϩ
Ⲁⲙⲏⲛ .



Ⲡⲓϣ̀ⲗⲏⲗ ⲛ̀ⲧⲉ ⲡⲓϣⲉⲡϩ̀ⲙⲟⲧ

Ⲙⲁⲣⲉⲛϣⲉⲡϩ̀ⲙⲟⲧ ⲛ̀ⲧⲟⲧϥ ⲙ̀ⲡⲓⲣⲉϥⲡⲉⲑⲛⲁⲛⲉϥ ⲛ̀ⲛⲁⲏⲧ ⲪϮ  ⲫ̀ⲓⲱⲧ ⲙ̀ⲡⲉⲛϬⲟⲓⲥ ⲟⲩⲟϩ ⲙ̀ⲡⲉⲛⲚⲟⲩϯ ⲟⲩⲟϩ ⲙ̀ⲡⲉⲛⲥⲱⲧⲏⲣ Ⲓⲏⲥⲟⲥ Ⲡⲭⲣⲓⲥⲧⲟⲥ .

Ϫⲉ ⲁϥⲉⲣⲥ̀ⲕⲉⲡⲁⲍⲓⲛ ⲉ̀ϫⲱⲛ , ⲁϥⲁⲣⲉϩ ⲉ̀ⲣⲟⲛ , ⲁϥϣⲟⲡⲧⲉⲛ ⲉ̀ⲣⲟϥ ⲁϥϯⲁ̀ⲥⲟ ⲉ̀ⲣⲟⲛ , ⲁϥϯⲧⲟⲧⲉⲛ ,ⲁϥⲉⲛⲧⲉⲛ ϣⲁ ⲉ̀ϩⲣⲏⲓ ⲉ̀ⲧⲁⲓ ⲟⲩⲛⲟⲩ ⲑⲁⲓ .

Ⲛ̀ⲑⲟϥ ⲟⲛ ⲙⲁⲣⲉⲛ ϯϩⲟ ⲉ̀ⲣⲟϥ ϩⲟⲡⲱⲥ ⲛ̀ⲧⲉϥⲁ̀ⲣⲉϩ ⲉ̀ⲣⲟⲛ ϧⲉⲛ ⲡⲁⲓ ⲉ̀ϩⲟⲟⲩ ⲉⲑⲟⲩⲁⲃ ⲫⲁⲓ ⲛⲉⲙ ⲛⲓⲉ̀ϩⲟⲟⲩ ⲧⲏⲣⲟⲩ ⲛ̀ⲧⲉ ⲡⲉⲛⲱⲛϧ ϧⲉⲛ ϩⲓⲣⲏⲛⲏ ⲛⲓⲃⲉⲛ ⲛ̀ϫⲉ ⲡⲓⲡⲁⲛⲧⲟⲕⲣⲁⲧⲱⲣ Ⲡϭⲟⲓⲥ ⲡⲉⲛⲚⲟⲩϯ .
Ⲫ̀ⲛⲏⲃ Ⲡϭⲟⲓⲥ Ⲫⲛⲟⲩϯ ⲡⲓⲡⲁⲛⲧⲟⲕⲣⲁⲧⲱⲣ Ⲫ̀ⲓⲱⲧ Ⲙ̀ⲡⲉⲛϬⲟⲓⲥ ⲟⲩⲟϩ ⲡⲉⲛⲚⲟⲩϯ ⲟⲩⲟϩ ⲡⲉⲛⲤⲱⲧⲏⲣ Ⲓⲏⲥⲟⲩⲥ ⲠⲓⲬⲣⲓⲥⲧⲟⲥ ,

Ⲧⲉⲛϣⲉⲡϩ̀ⲙⲟⲧ ⲛ̀ⲧⲟⲧⲕ , ⲕⲁⲧⲁ ϩⲱⲃ ⲛⲓⲃⲉⲛ ,ⲛⲉⲙ ⲉ̀ⲑⲃⲉ ϩⲱⲃ ⲛⲓⲃⲉⲛ ⲛⲉⲙ ϧⲉⲛ ϩⲱⲃ ⲛⲓⲃⲉⲛ ,
Ϫⲉ ⲁⲕⲉⲣⲥ̀ⲕⲉⲡⲁⲍⲓⲛ ⲉ̀ⲣⲟⲛ < ⲁⲕⲉⲣⲃⲟⲏⲑⲓⲛ ⲉ̀ⲣⲟⲛ ⲁⲕϣⲱⲡⲧⲉⲛ ⲉ̀ⲣⲟⲕ , ⲁⲕϯⲁⲥⲟ ⲉ̀ⲣⲟⲛ , ⲁⲕϯⲧⲟⲧⲉⲛ , ⲁⲕⲉⲛⲧⲉⲛ ϣⲁ ⲉ̀ϩ̀ⲣⲏⲓ ⲉ̀ⲧⲁⲓⲟⲩⲛⲟⲩ ⲑⲁⲓ .

Ⲉⲑⲃⲉ ⲫⲁⲓ ⲧⲉⲛϯϩⲟ ⲟⲩⲟϩ ⲧⲉⲛⲧⲱⲃϩ ⲛ̀ⲧⲉⲕⲙⲉⲧⲁⲅⲁⲑⲟⲥ ⲡⲓⲙⲁⲓⲣⲱⲙⲓ ⲙⲏⲓⲥ ⲛⲁⲛ ⲉ̀ⲑⲣⲉⲛϫⲱⲕ ⲉ̀ⲃⲟⲗ ⲙ̀ⲡⲁⲓⲕⲉⲉ̀ϩⲟⲟⲩ ⲉⲑⲟⲩⲁⲃ ⲫⲁⲓ , ⲛⲉⲙ ⲛⲓⲉ̀ϩⲟⲟⲩ ⲧⲏⲣⲟⲩ ⲛ̀ⲧⲉ ⲡⲉⲛⲱⲛϧ , ϧⲉⲛ ϩⲓⲣⲏⲛⲏ ⲛⲓⲃⲉⲛ ⲛⲉⲙ ⲧⲉⲕ ϩⲟϯ .

Ⲫ̀ⲑⲟⲛⲟⲥ ⲛⲓⲃⲉⲛ ,

Ⲡⲓⲣⲁⲥⲙⲟⲥ ⲛⲓⲃⲉⲛ,

Ⲉⲛⲉⲣⲅⲓⲁ ⲛⲓⲃⲉⲛ ⲛ̀ⲧⲉ ⲡ̀ⲥⲁⲧⲁⲛⲁⲥ ,

Ⲡⲥⲟϭⲛⲓ ⲛ̀ⲧⲉ ϩⲁⲛⲣⲱⲙⲓ ⲉⲩϩⲱⲟⲩ ,
Ⲛⲉⲙ ⲡ̀ⲧⲱⲛϥ ⲉ̀ⲡ̀ϣⲱⲓ ⲛ̀ⲧⲉ ϩⲁⲛϫⲁϫⲓ :
ⲛⲏⲉⲧϩⲏⲡ ⲛⲉⲙ ⲛⲏⲉⲑⲟⲩⲱⲛϩ ⲉ̀ⲃⲟⲗ ,
Ⲁⲗⲏⲧⲟⲩ ⲉ̀ⲃⲟⲗ ϩⲁⲣⲟⲛ ,
ⲛⲉⲙ ⲉ̀ⲃⲟⲗ ϩⲁ ⲡⲉⲕⲗⲁⲟⲥ ⲧⲏⲣϥ
Ⲛⲉⲙ ⲉ̀ⲃⲟⲗ ϩⲁ ⲡⲉⲕⲙⲁ ⲉⲑⲟⲩⲁⲃ ⲛ̀ⲧⲁⲕ .

Ⲫⲁⲓ ⲛⲏ ⲇⲉ ⲉⲑⲛⲁⲛⲉⲩ ⲛⲉⲙ ⲛⲏⲉⲧⲉⲣⲛⲟϥⲣⲓ ⲥⲁϩⲛⲓ ⲙ̀ⲙⲱⲟⲩ ⲛⲁⲛ ,

ϫⲉ Ⲛ̀ⲑⲟⲕ ⲡⲉ ⲉⲧⲁⲕϯ ⲙ̀ⲡⲓⲉⲣϣⲓϣⲓ ⲛⲁⲛ :
ⲉ̀ϩⲱⲙⲓ ⲉ̀ϫⲉⲛ ⲛⲓϩⲟϥ ⲛⲉⲙ ⲛⲓϭⲗⲏ ⲛⲉⲙ ⲉ̀ϫⲉⲛ ϯϫⲟⲙ ⲧⲏⲣⲥ ⲛ̀ⲧⲉ ⲡⲓϫⲁϫⲓ .

Ⲟⲩⲟϩ ⲙ̀ⲡⲉⲣⲉⲛⲧⲉⲛ ⲉ̀ϧⲟⲛ ⲉ̀ⲡⲓⲣⲁⲥⲙⲟⲥ , Ⲁⲗⲗⲁ ⲛⲁϩⲙⲉⲛ ⲉ̀ⲃⲟⲗ ϩⲁ ⲡⲓⲡⲉⲧϩⲱⲟⲩ ,

Ϧⲉⲛ ⲡⲓϩ̀ⲙⲟⲧ ⲛⲉⲙ ⲛⲓⲙⲉⲧϣⲉⲛϩⲏⲧ ⲛⲉⲙ ϯⲙⲉⲧⲙⲁⲓⲣⲱⲙⲓ ⲛ̀ⲧⲉ ⲡⲉⲕⲙⲟⲛⲟⲅⲉⲛⲏⲥ ⲛ̀ϣⲏⲣⲓ ⲠⲉⲛϬⲟⲓⲥ ⲟⲩⲟϩ ⲡⲉⲛⲚⲟⲩϯ ⲟⲩⲟϩ ⲡⲉⲛⲥⲱⲧⲏⲣ Ⲓⲏⲥⲟⲩⲥ ⲠⲓⲬ̀ⲣⲓⲥⲧⲟⲥ .

Ⲫⲁⲓ ⲉ̀ⲧⲉ ⲉ̀ⲃⲟⲗ ϩⲓⲧⲟⲧϥ ⲉ̀ⲣⲉ ⲡⲓⲱ̀ⲟⲩ , ⲛⲉⲙ ⲡⲓⲧⲁⲓⲟ ⲛⲉⲙ ⲡⲓⲁ̀ⲙⲁϩⲓ ⲛⲉⲙ ϯⲡ̀ⲣⲟⲥⲕⲩⲛⲏⲥⲓⲥ ⲉⲣⲡ̀ⲣⲉⲡⲓ ⲛⲁⲕ , ⲛⲉⲙⲁϥ , ⲛⲉⲙ ⲡⲓⲠ̀ⲛⲉⲩⲙⲁ ⲛ̀ⲣⲉϥⲧⲁⲛϧⲟ , ⲛ̀ⲟⲙⲟⲟⲩⲥⲓⲟⲥ ⲛⲉⲙⲁⲕ
Ϯⲛⲟⲩ , ⲛⲉⲙ ⲛ̀ⲥⲏⲟⲩ ⲛⲓⲃⲉⲛ , ⲛⲉⲙ ϣⲁ ⲉ̀ⲛⲉϩ ⲛ̀ⲧⲉ ⲡⲓⲉ̀ⲛⲉϩ ⲧⲏⲣⲟⲩ
Ⲁⲙⲏⲛ

Ⲯⲁⲙⲗⲟⲙⲥ Ⲛ̿

Ⲛⲁⲓ ⲛⲏⲓ Ⲫϯ ⲕⲁⲧⲁ ⲡⲉⲕⲛⲓϣϯ ⲛ̀ⲛⲁⲓ , ⲛⲉⲙ ⲕⲁⲧⲁ ⲡ̀ⲁ̀ϣⲁⲓ ⲛ̀ⲧⲉ ⲛⲉⲕⲙⲉⲧϣⲉⲛϩⲏⲧ ⲉⲕⲉ̀ⲥⲱⲗϫ ⲛ̀ⲧⲁⲁ̀ⲛⲟⲙⲓⲁ̀ .

ⲉⲕⲉ̀ⲣⲁϧⲧ ⲛ̀ϩⲟⲩⲟ̀ ⲉ̀ⲃⲟⲗ ϩⲁ ⲧⲁⲁ̀ⲛⲟⲙⲓⲁ̀ ⲟⲩⲟϩ ⲉⲕⲉ̀ⲧⲟⲩⲃⲟⲓ ⲉ̀ⲃⲟⲗ ϩⲁ ⲡⲁⲛⲟⲃⲓ .

Ϫⲉ ⲧⲁⲁⲛⲟⲙⲓⲁ̀ ⲁ̀ⲛⲟⲕ ϯⲥⲱⲟⲩⲛ ⲙ̀ⲙⲟⲥ ⲟⲩⲟϩ ⲡⲁⲛⲛⲟⲃⲓ ⲙ̀ⲡⲁⲙ̀ⲑⲟ ⲉ̀ⲃⲟⲗ ⲛ̀ⲥⲏⲟⲩ ⲛⲓⲃⲉⲛ .
ⲛ̀ⲑⲟⲕ ⲙ̀ⲙⲁⲩⲁⲧⲕ ⲁⲓⲉⲣⲛⲟⲃⲓ ⲉ̀ⲣⲟⲕ ⲟⲩⲟϩ ⲡⲓⲡⲉⲧϩⲱⲟⲩ ⲁⲓⲁⲓϥ ⲙ̀ⲡⲉⲕⲙ̀ⲑⲟ ⲉ̀ⲃⲟⲗ , ϩⲟⲡⲱⲥ ⲛ̀ⲧⲉⲕⲙⲁⲓ ϧⲉⲛ ⲛⲉⲕⲥⲁϫⲓ , ⲟⲩⲟϩ ⲛ̀ⲧϭⲣⲟ ⲉⲕⲛⲁϭⲓϩⲁⲡ .

Ϩⲏⲡⲡⲉ ⲅⲁⲣ ϧⲉⲛ ϩⲁⲛⲁ̀ⲛⲟⲙⲓⲁ̀ ⲁⲩⲉⲣⲃⲟⲕⲓ ⲙ̀ⲙⲟⲓ , ⲟⲩⲟϩ ϧⲉⲛ ϩⲁⲛⲛⲟⲃⲓ ⲁ̀ ⲧⲁⲙⲁⲩ ϭⲓϣϣⲱⲟⲩ ⲙ̀ⲙⲟⲓ.

Ϩⲏⲡⲡⲉ ⲅⲁⲣ ⲁⲕⲙⲉⲛⲣⲉ ⲑ̀ⲙⲏⲓ ⲛⲏⲉⲧϩⲏⲡ , ⲛⲉ ⲛⲏⲉ̀ⲧⲉ ⲛ̀ⲥⲉⲟⲩⲱⲛϩ ⲉ̀ⲃⲟⲗ ⲁⲛ ⲛ̀ⲧⲉ ⲧⲉⲕⲥⲟⲫⲓⲁ̀ ⲁⲕⲧⲁⲙⲟⲓ ⲉ̀ⲣⲱⲟⲩ .

Ⲉⲉⲕⲉ̀ⲛⲟⲩϫϧ ⲉ̀ϫⲱⲓ ⲙ̀ⲡⲉⲕϣⲉⲛϩⲩⲥⲱⲡⲟⲛ ⲉⲓⲉ̀ⲧⲟⲩⲃⲟ , ⲉⲕⲉ̀ⲣⲁϧⲧ ⲉⲓⲉ̀ⲟⲩⲃⲁϣ ⲉ̀ϩⲱⲧⲉ ⲟⲩⲭⲓⲱⲛ .
ⲉⲕⲉ̀ⲑ̀ⲣⲓⲥⲱⲧⲉⲙ ⲉ̀ ⲟⲩⲑⲉⲗⲏⲗ ⲛⲉⲙ ⲟⲩⲟⲛⲟⲩϥ , ⲉⲩⲉ̀ⲑⲉⲗⲏⲗ ⲛ̀ϫⲉ ⲛⲁⲕⲁⲥ ⲉⲧⲑⲉⲃⲓⲏⲟⲩⲧ .

Ⲙⲁⲧⲁⲥⲑⲟ ⲙ̀ⲡⲉⲕϩⲟ ⲭⲁⲃⲟⲗ ⲛ̀ⲛⲁⲛⲟⲩⲃⲓ , ⲟⲩⲟϩ ⲛⲁⲁ̀ⲛⲟⲙⲓⲁ̀ ⲧⲏⲣⲟⲩ ⲉ̀ⲕⲉ̀ⲥⲟⲗϫⲟⲩ .

Ⲟⲩϩⲏⲧ ⲉϥⲟⲩⲁⲃ ⲉⲕⲉ̀ⲥⲟⲛⲧϥ ⲛ̀ϧⲏⲧ ⲪϮ ⲟⲩⲡ̀ⲛⲉⲩⲙⲁ ⲉϥⲥⲟⲩⲧⲱⲛ Ⲁ̀ⲣⲓⲧϥ ⲙ̀ⲃⲉⲣⲓ ϧⲉⲛ ⲛⲏⲉ̀ⲧⲥⲁϧⲟⲩⲛ ⲙ̀ⲙⲟⲓ .

Ⲙ̀ⲡⲉⲣⲃⲉⲣⲃⲟⲱⲣⲧ ⲉ̀ⲃⲟⲗ ϩⲁ ⲡⲉⲕϩⲟ , ⲟⲩⲟϩ ⲡⲉⲕⲠ̀ⲛⲉⲩⲙⲁ ⲉ̀ⲑⲟⲩⲁⲃ ⲙ̀ⲡⲉⲣⲟⲗϥ ⲉ̀ⲃⲟⲗ ϩⲁⲣⲟⲓ .

Ⲙⲟⲓ ⲛⲏⲓ ⲙ̀ⲡ̀ⲑⲉⲗⲏⲗ ⲛ̀ⲧⲉ ⲡⲉⲕⲟⲩϫⲁⲓ , ⲟⲩⲟϩ ⲛ̀ϩ̀ⲣⲏⲓ ϧⲉⲛ ⲟⲩⲡ̀ⲛⲉⲩⲙⲁ ⲛ̀ϩⲏⲅⲉⲙⲱⲛⲓⲕⲟⲛ ⲙⲁⲧⲁϫⲣⲟⲓ , ⲉⲓⲉⲧⲥⲁⲃⲉ ⲛⲓⲁ̀ⲛⲟⲙⲟⲥ ϩⲓ ⲛⲉⲕⲙⲱⲓⲧ , ⲟⲩⲟϩ ⲛⲓⲁ̀ⲥⲉⲃⲏⲥ ⲉⲩⲉⲕⲟⲩⲧⲟⲩ ϩⲁⲣⲟⲕ .

Ⲛⲁϩⲙⲉⲧ ⲉ̀ⲃⲟⲗ ϧⲉⲛ ϩⲁⲛⲥ̀ⲛⲟϥ ⲪϮ , ⲪϮ ⲛ̀ⲧⲉ ⲧⲁⲥⲱⲧⲣⲓⲁ̀ ⲉϥⲉ̀ⲑⲉⲗⲏⲗ ⲛ̀ϫⲉ ⲡⲁⲗⲁⲥ ϧⲉⲛ ⲧⲉⲕⲇⲓⲕⲉⲟⲥⲩⲛⲏ .

Ⲡϭⲟⲓⲥ ⲉⲕⲉ̀ⲟⲩⲱⲛ ⲛ̀ⲛⲁⲭ̀ⲃⲟⲧⲟⲩ , ⲉ̀ⲣⲉ ⲣⲱⲓ ϫⲱ ⲙ̀ⲡⲉⲕⲥ̀ⲙⲟⲩ.

Ϫⲉ ⲉ̀ⲛⲉ ⲁⲕⲟⲩⲱϣ ϣⲟⲩϣⲱⲟⲩϣⲓ , ⲛⲁⲓⲛⲁϯ ⲟⲛ ⲡⲉ ,
ϩⲁⲛϭⲗⲓⲗ ⲛ̀ϫⲟϥϫⲉϥ ⲙ̀ⲡⲉⲕϯⲙⲁϯ ⲉ̀ϩ̀ⲣⲏⲓ ⲉ̀ϫⲱⲟⲩ .

Ⲡⲓϣⲟⲩϣⲱⲟⲩϣⲓ ⲛ̀ⲧⲉ ⲪϮ ⲟⲩⲠ̀ⲛⲉⲩⲙⲁ ⲉϥⲧⲉⲛⲛⲏⲟⲩⲧ , ⲟⲩϩⲏⲧ ⲉϥⲧⲉⲛⲛⲏⲟⲩⲧ , ⲟⲩⲟϩ ⲉϥⲑⲉⲃⲓⲏⲟⲩⲧ ⲫⲁⲓ ⲛ̀ⲛⲉ ⲪϮ ϣⲟϣϥ .

Ⲁ̀ⲣⲓ ⲡⲉⲑⲛⲁⲛⲉϥ Ⲡ̀Ϭⲟⲓⲥ ϧⲉⲛ ⲡⲉⲕϯⲙⲁϯ ⲉ̀ Ⲥⲓⲱⲛ , ⲟⲩⲟϩ ⲛⲓⲥⲟⲃⲧ ⲛ̀ⲧⲉ Ⲓⲉⲣⲟⲩⲥⲁⲗⲓⲙ ⲙⲁⲣⲟⲩⲕⲟⲧⲟⲩ .

Ⲧⲟⲧⲉ ⲉⲕⲉ̀ϯⲙⲁϯ ⲉ̀ϫⲉⲛ ϩⲁⲛϣⲟⲩϣⲱⲟⲩϣⲓ ⲙ̀ⲙⲉⲑⲙⲏⲓ ⲟⲩⲁ̀ⲛⲁⲫⲟⲣⲁ , ⲛⲉⲙ ϩⲁⲛϭⲗⲓⲗ , ⲧⲟⲧⲉ ⲉⲩⲉ̀ⲓ̀ⲛⲓ ⲛ̀ϩⲁⲛⲙⲁⲥⲓ ⲉ̀ⲡ̀ϣⲱⲓ ⲉ̀ϫⲉⲛ ⲛⲉⲕⲙⲁⲛ̀ⲉⲣϣⲱⲟⲩϣⲓ .
ⲀⲖⲖⲎⲖⲞⲨⲒⲀ̀

ⲡⲉⲧⲣⲟⲅⲗⲏⲫ-coptic-petroglyph

 

Ⲓ̅Ⲥ̅ ⲡⲉⲬ̅Ⲥ̅ Ⲡ̅ϣⲏⲣⲉ ⲙ̅ⲡ̅ⲛⲟⲩⲧⲉ ⲉⲧⲟⲛ̅ϩ ⲉⲕⲉϩⲁⲣⲉϩ ⲉⲛ ⲣⲱⲙⲉ   ⲛ̅ⲙ ⲛϩⲩ (ⲉϩⲁⲩ ) ⲛⲉⲧⲉ  ⲙ̅ⲛ ⲛⲧ̅ⲃⲟⲟⲩⲉ ⲛ̅ⲅⲥⲙⲟⲩ ⲉⲣⲟⲟⲩ ϩ̅ⲙ ⲡⲉⲥⲙⲟⲩ  ⲛ̅Ⲁϥⲣⲁϩⲁⲙ ⲙ̅ⲛ Ⲓⲥⲁⲁⲕ  ⲙ̅ⲛ Ⲓⲁⲕⲱⲃ , ⲛⲉⲣⲁⲛ ⲧⲉϥ ⲥ̅ϩⲁⲓ̈ ⲛ̅ⲛⲉϥϭⲓϫ
Ⲑⲉⲃⲉ , ⲡⲓϣⲉ ⲙ̀ⲙⲁϩⲉ̅ ⲓⲉ 6̅ ⲛ̀ⲧⲉ ⲠⲬ̅ⲥ̅ , ⲟⲩϣ̀ⲗⲏⲗ ϧⲉⲛ ⲙ̅ⲣⲏⲥ
O Jesus Christ the live son of God  protect men , and the Caws , and the cattle : bless them  by the blessing of Abraam , and Isaak and Iakwb “Jacob ” the names written by his hand

Thebe 5th\6th century  Sahidic prayer
يا يسوع المسيح ابن الإله الحي  احفظ الرجال و البقر و البهائم , باركهم ببركة ابرآم “ابراهيم ” و ايساك ” اسحق” و ياكوب “يعقوب : هذه الأسماء المكتوبة بيده
طيبة  القرن الخامس / السادس   صلاة بلهجة صعيدي