كيف تصنع خرفانا للمبتدئين
1- اربط كل شئ بالدين من اول غسيل السنان لحد لون الشرابات الشرعي الحلال
2- اخترع يونيفورم مميز و مختلف عن باقي البشر و ده شئ مهم جدا
3- اخترع قايمة طويلة جدا من المحرمات و المحللات الغير منطقية من نوعية الاي شادو الصناعة الصومالي حرام لكن العمة الايطالي من فيرساتشي حلال و اللاتيكس حلال لكن الفش نت حرام و يغضب الآلهة
4- اغرقهم بتفاصيل كتيرة و معقدة عن كيفية ارضاء اله غاضب دائما ابدا لا يمكن ارضاءه مع التركيز علي الكوارث الطبيعية الناتجة عن غضبه علي هؤلاء المخالفين الكفار مثلا فيضانات ايطاليا علشان بياكلوا الاسباجيتي بالشوكة و العياذ بالله- مجاعات افريقيا علشان الافارقة الهراطقة الكفار ما بيستعملوش عطور فرنسية الايحاء - الالحاد في مصر بينتشر علشان ثاروا علي حكم الشريف العفيف الكبير محمد بن حسني بن مبارك و طبعا لازم تعرفهم الاعجاز العلمي في ان الثقب الاسود ابتلع المجموعة الشمسية الفا قلبوظا 651 علشان المخلوقات الفضائية علي الكوكب الموجود هناك ما بتشربش بقدونس مغلي سنة مطهرة عن وكيل الله علي الارض
5- جمع حواليك طبقة من المريدين شديدي الحماس ولازم يكون عندهم احدي الميزتين الحسنيين او كلاهم الجهل و الغباء الشديدين - النفاق و الرياء الشديدين و طبعا ياريت الاتنين مع بعض و هتستفيد منهم في النقطتين 6 و 7
6-اخلق نظام اعتمادي مركزي شمولي ذاتي المراقبة و هنا طبقة المريدين علي طول هترصد و تتابع اي خطر او خروجات علي النظام و ساعتها هتقوم باللازم حياله من تسفيه و تحقير و هجوم و يمكن تصفية كمان او علي طول هتروح تجري تبلغك باالاخطار المحدقة بالايمان و بالآلهة القدوسين و بالنظام العام و الخاص و النسيج الوطني ... الخ تلك التعبيرات العبقرية الرائعة الجميلة و عندها ستجد يا عظمة جلالة جمال شياكة قداسة فضيلة سيادة حكومتك هاي هئ التقارير تنهال عليك من نوعية الحق يا افندم فلانة لابسة حجاب ستريتش بلون برتقاني غامق كافر مخالف - فيه خطر بيهدد الايمان كلهم بيقروا هاري بوتر - فيه نظرية علمية جديدة بتقول ان القمر بيطلع بالليل و لازم ندحصها علشان الملحدين الكفار بيهاجموا بيها الايمان المستدير -الامريكان الكفار البروتستانت الخمسينيين الوحشين عاملين فيلم جديد عن قصة حياة قلبظ و تجربته مع الرجيم بالشاي الاحمر لازم نلحق نصدر فتوي بتحريم الفرجة علي الفيلم ده او تنزيله تنزيلا حكيما بالتورنت
7- اخلق واقع ايزوتريكي مبني علي الرهاب الميتافيزيقي الباراسيكولوجي من السحر و العفاريت و الشياطين و جهنم و ابو رجل مسلوخة و التعبان الي عامل شعره سبانك و السحلية الي عاملة شعرها آلاجارسون و في نفس الوقت الامل الميتافيزيقي السحري المعجزي من نوعية تفة الشيخ بعجور بن كعبور الترانسلفاني بتشفي من فيروسات n1h1 - معجزات و ظهور ابو الريش في كفر السِّماوي الحديث - ابونا ساطانائيل بيعمل معجزات في منيا البطيخ .... الخ وطبعا طبقة الميريدين اياها هي الي هتنشر الجهل و الخرافة و هتعمل استعداد سيكولوجي ممتاز عند العوام لتقبل الايحاء و العبث بمكنونات وعيهم و بطنهم العاقل "عقلهم الباطن "
8- اصنع هالة قداسة حواليك وحط قواعد لتكريمك و تعظيمك موسيقي و ترانيم والحان و طقوس لاستقبالك طرق السلام عليك لازم تشمل قواعد تليق بتواضعك و نسك و زهدك و تقشفك من نوعية تقبيل الايدي و الارجل وكل ما يمكن و ما لا يمكن تقبيله من اعضاء ظاهرة و مخفية
9- اخلق اعداء و اخلق حالة رعب و هلع من االاعداء و اقفل كل طرق الهرب و مقاومة الاعداء علشان تبقي قوتك و حكمتك الربانية و علاقاتك بالاعداء دولة هو الحل الواحد الاحد الفرد الصمد للنجاة و في نفس الوقت يبقي تبرير مواقفك المتناقضة و علاقاتك الحميمية مع الاعداء دولة هو حكمتك و الارشاد الالهي ليك
10- الاعجاز العلمي لازم كل شوية تطلع اعجاز علمي تثبت فيه عبقريتك و ذكاءاك و تفوقك علي علماء الغرب والشمال ولازم تبالغ في الاعداد و الحقائق علشان الخرفان تصدقك ما تقولش فيه عالم و لا اتنين اثبتوا لا ابتدي ب500 او 600 عالم ولازم يكونوا كلهم غربيين و يفضل امريكان و لعلماء ناسا الافضلية القصوي حتي لو علماء زراعة بس لازم يكونوا من ناسا علشان الطقس بيقول كده و طبعا لازم تنتهي القصة بتوبتهم توبة نصوحة و رجوعهم عن تخاريف العلم و انطوائهم في حظائر الايمان
11- شكل المجتمع اجتماعيا و اقتصاديا و سياسيا بحيث يبقي جحيم علي كل المخالفين - لجان لمقاطعة البروتستانت الكفار و الشيعة الخباث والنصاري الانجاس و الوهابية اصحاب الارهاب و الرأسماليين مصاصي الدماء و اليساريين اعداء النظام و الثوار شمامي الكلة و الاعلاميين الفاسدين و الفلول القابعين والمعترضين الخونة الي من الخارج قابضين و جهز تاجات و تقسيمات و تهم سابقة التجهيز لاي خارج عن سلطتك و شرعيتك
12- ما تحطش حد في مكانه الصحيح المناصب للمنافقين مش لاصحاب الكفاءات خلي الفساد و الفشل هو القاعدة الاساسية في المجتمع و مع الوقت هتلاقي الفقر و الجهل و المرض ازدهروا و الخرفان هتنشغل بيهم بالاضافة لتدويرهم علي اي لقمة عيش مرمية جنب الحيط - لو حد سأل قول له ده عقاب من الآلهة ليكم علي اهمالكم للعبادة و عدم ارضاءكم ليهم
و مبروك عليك
لقد اقمت دولة الله علي الارض
بقلم لورانس و وليم
