Ⲥⲩⲛ Ⲑⲉⲟ Ⲥ̀ⲭⲏⲣⲟⲥ
باسم الله القوي
محضر اجتماع اللجنة الطقسية بالمجمع المقدس
قداسته : انتم طبعا عارفين اني اجلت رحلتي التبشيرية لهاواي و تاهيتي علشان نناقش شوية تعديلات طقسية مهمة بتتطلبها المرحلة الحالية و علشان كده انتدبت نيافة ب 1 من لجنة الاحوال الشخصية و نيافة ب 2 من لجنة الحوار المسكوني و اللجنة اللاهوتية
نيافته 1: اول نقطه اوشية الملك " الرئيس " من القداس الكيرلسي عاوزين نغيرها و نكبرها شوية و نضيفها للقداسين التانيين و نطلع فرمان بابوي بانها تتصلي في كل قداس جهرا
حد عنده اعتراض ؟؟
اجماع
اذا موافقه
نيافته 1 : تاني نقطه فيه كتير من الصلوات فيها "و عن ملوكنا حاربي " و عن ملوكنا الاورثوذكسيين "زي تحليل الكهنة في نصف الليل وكتير من تسابيح كيهك والتحاليل و ما شابه بنقترح بتغييرها كلها ل "رئيس ارضنا "
حد عنده اعتراض
اجماع
اذا موافقه
نيافته 1 : تالت نقطه طقس استقبال السي سوري الرئيس وده فيه ثلاث نقط فرعية
أ- ينفع نضرب له الجرس اثناء دخوله الكنيسة زي البابا و الاساقفه لأنه رمز للمسيح ملك الملوك ز
نيافة أ : طبعا ده التاريخ بيقول الجرس كان بينضرب لقسطنطين
نيافة ب1 :طبعا لازم و دية اضافه مهمة للطقس القبطي
نيافة ب2 : ده طقس انجيلي تطبيقا للآية بتاعة اخضعوا للرئاسات لأنها مرتبه من قبل الله
حد عنده اعتراض
تنحنح نيافة5 و ا رتعشت يده بما ينبئ بنية رفعها فقابلها البعبع نيافة ب 2 بنظرة احرقت فيه كل نية للاعتراض
اذا موافقة بالاجماع :قالها نيافة 1
ب-ينفع نضيف له تطقيس خاص بيه من نوعية هيتن ني افكي انتي بين يوت اتطايوت ان راشي اريفس بابا افا @#$ نيم بين يوت ان ابيسكوبوس افا %^&نيم بين أرخون *&^ ابشويس آري اهموت نان
بصلوات ابونا المكرم رئيس الكهنة البابا ($^^) و و ابونا الاسقف الانبا (#$$%) و رئيسنا (#$%) الرب ينعم لنا .... الخ
و ارباع في الطبحات و مجمع القديسين
طوبه ام ابشويس اهري اجون او بين نيشتي ان ارخون ($%^) اب ارخون ان كيمي انتيف كان نين نوفي نان ايفول
اطلب من الرب عنا ايها القائد العظيم (#$%) رئيس مصر ليغفر لنا خطايانا
هنا لم يستطع نيافة 5 الصمت و صرخ غاضبا لأ كده كتير قوي
هنا تنحنح البعبع نيافة ب2 و قال بس التاريخ يا نيافتك بيقول ان الكنيسة كرمت الملك قسطنطين برغم انه ما اتعمدش إلا في اواخر ايامه و اتعمل له ربع في مجمع القديسين في التسبحه و تطقيس كامل له هو و امه الملكه هيلانه احنا ما بنخترعش حاجة من دماغنا ده تقليد كنسي ابائي ولازم نلتزم بيه ما ينفعش نخالف تقليد الكنيسة الاولي
ثم ضغط علي حروف كلماته و قال بنبرة اقرب للتهديد :و إلا كدا هنبقي هراطقه
فابتلع نيافة5 ريقه وصمت لئلا يكون هو محور عظات و كتب البعبع نيافة ب2 القادم
فيه اعتراضات تانية صاح نيافة 1
طيب ناخد الاصوات
هنا رفع نيافة 5 يده الي اقصاها ومعه باقي اصحاب النيافة
هنا صاح قداسته خلاص طيب كلنا نمضي و يعمم القرار
و نادي علي سكرتيره الشهير
يلا احجز لنا علشان نروح نبشر و نفتقد في هاواي و تاهيتي و بالمرة شوف اسبا كويس هناك لزوم المساج
بقلم لورانس و وليم
