Ⲡⲓϧⲟⲗϧⲉⲗ ⲛ̀ⲧⲉ Ⲓⲥⲁⲁⲕ · Ⲉⲗⲃⲁϫⲁⲩⲁⲧ

 

ⲡⲓϧⲟⲗϧⲉⲗ ⲛ̀ⲧⲉ Ⲓⲥⲁⲁⲕ 
ⲡⲓϫⲓⲛϣⲱⲧ ⲛ̀ⲧⲉ Ⲫⲓⲟⲙ ⲛ̀ϣⲁⲣⲓ 
ⲛⲉⲙ ϯⲕⲓⲃⲱⲧⲟⲥ ⲛ̀ⲧⲉ Ⲛⲱⲉ 

ⲉ̀ⲃⲟⲗ ϧⲉⲛ ⲛⲓⲙ̀ϩⲁⲩ ⲛ̀ⲧⲉ ⲉⲗⲂⲁϫⲁⲩⲁⲧ

Ⲁⲙⲱⲓⲛⲓ ⲱ ⲛⲓⲡⲓⲥⲧⲟⲥ

 Ⲁⲙⲱⲓⲛⲓ ⲱ ⲛⲓⲡⲓⲥⲧⲟⲥ , ⲁⲛⲁⲩ ⲉ̀Ⲃⲏⲑⲗⲉⲉⲙ , ⲛ̀ⲧⲉⲛ ⲛⲁⲩ ⲙ̀ⲡⲓϫⲓⲛⲙⲓⲥⲓ ⲛ̀ⲧⲉ ⲡⲓⲟⲩⲣⲟ ⲛ̀ⲧⲉ ⲛⲓⲁⲅⲅⲉⲗⲟⲥ 
Ⲁⲙⲱⲓⲛⲓ ⲛ̀ⲧⲉⲛ ⲟⲩⲱϣⲧ , Ⲁⲙⲱⲓⲛⲓ ⲙⲁⲣⲉⲛ ⲟⲩⲱϣⲧ ⲙ̀Ⲡϭ̅ⲥ̅
Ⲙⲁⲣⲟⲩϩⲱⲥ ⲛ̀ϫⲉ ⲛⲓⲁⲅⲅⲉⲗⲟⲥ , ⲙⲁⲣⲟⲩ ϩⲱⲥ ϯⲛⲟⲩ ⲛ̀ϫⲉ ⲛⲓⲁⲅⲅⲉⲗⲟⲥ 
ϫⲉ ⲟⲩⲱⲟⲩ ⲙ̀ⲪϮ , ϫⲉ ⲟⲩⲱⲟⲩ ⲙ̀ⲪϮ ϧⲉⲛ ⲛⲏⲉⲧϭⲟⲥⲓ 
Ⲁⲙⲱⲓⲛⲓ ⲛ̀ⲧⲉⲛ ⲟⲩⲱϣⲧ , Ⲁⲙⲱⲓⲛⲓ ⲙⲁⲣⲉⲛ ⲟⲩⲱϣⲧ ⲙ̀Ⲡϭ̅ⲥ̅ 
Ⲡⲓⲱⲟⲩ ⲛ̀ⲉ̀ⲛⲉϩ ⲛ̀ⲧⲉ Ⲫⲓⲱⲧ ⲛ̀ⲁⲧⲁⲣⲭⲏ , ⲟⲩⲉϥϩⲏⲡ ϧⲉⲛ ⲡⲓⲥⲁⲣⲝ , ⲛ̀ⲉ ⲡⲓⲕⲟⲩϫⲓ ⲛ̀ⲁⲗⲟⲩ ⲛ̀ⲛⲟⲩϯ  ⲉϥⲕⲟⲩⲗⲱⲕ  ϧⲉⲛ ⲟⲩⲡⲏⲁ ⲡⲉ .

 Ⲁⲙⲱⲓⲛⲓ ⲛ̀ⲧⲉⲛ ⲟⲩⲱϣⲧ , Ⲁⲙⲱⲓⲛⲓ ⲙⲁⲣⲉⲛ ⲟⲩⲱϣⲧ ⲙ̀Ⲡϭ̅ⲥ̅

Adeste Fideles laeti triumphantes,

Venite, venite in Bethlehem.

Natum videte, Regem Angelorum;

Venite adoremus,

venite adoremus,

venite adoremus

Dominum!



Deum de Deo, lumen de lumine,

gestant puellae viscera.

Deum verum, genitum non factum;



Cantet nunc io chorus Angelorum

cantet nunc aula caelestium:

Gloria in excelsis Deo!



Aeterni Parentis splendorem aeternum,

velatum sub carne videbimus.

Deum infantem, pannis involutum;






 

Ϯⲯⲁⲗⲓⲁ ⲛ̀ⲧⲉ ⲡⲓⲅ̅

 

 

Ϯⲯⲁⲗⲓⲁ ⲛ̀ⲧⲉ ⲡⲓⲅ̅

Ⲁⲙⲟⲩ ϣⲁⲣⲟⲛ

Ⲁⲙⲟⲩ ϣⲁⲣⲟⲛ ⲙ̀ⲫⲟⲟⲩ : Ⲱ ⲡⲉⲛⲛⲏⲃ ⲡⲓⲬ̅Ⲥ̅ : Ⲁⲣⲓⲟⲩⲱⲓⲛⲓ ⲉ̀ⲣⲟⲛ : ϧⲉⲛ ⲧⲉⲕ ⲙⲉⲑⲛⲟⲩϯ ⲉⲧϭⲟⲥⲓ .

Ⲟⲩⲱⲣⲡ ⲉ̀ϧ̀ⲣⲏⲓ ⲉ̀ϫⲱⲛ : ⲙ̀ⲡⲁⲓⲛⲓϣϯ ⲛ̀ϩⲙⲟⲧ : ⲛ̀ⲧⲉ ⲡⲉⲕⲡ̀ⲛⲉⲩⲙⲁ ⲉ̅ⲑ̅ⲩ̅ : ⲙ̀ⲡⲁⲣⲁⲕⲗⲏⲧⲟⲛ .

Ϩⲓⲛⲁ ⲛ̀ⲧⲁⲥⲁϫⲓ ⲛ̀ϩⲁⲛⲕⲟⲩϫⲓ ⲛ̀ⲧⲁⲓⲟ : ⲉⲑⲃⲉ ⲡⲉⲕⲣⲁⲛ ⲉ̅ⲑ̅ⲩ̅ :ⲟⲩⲟϩ ⲉⲧⲥ̀ⲙⲁⲣⲱⲟⲩⲧ .

Ⲫⲁⲓ ⲉⲧⲁϥϭⲓⲱⲟⲩ :ϧⲉⲛ ⲣⲱⲟⲩ ⲛ̀ⲛⲓⲑ̀ⲙⲏⲓ : ⲛⲏⲉⲑⲟⲩⲁⲃ ⲛ̀ⲧⲁⲕ : ⲉⲧϣⲟⲡ ϩⲓϫⲉⲛ ⲡⲓⲕⲁϩⲓ .

Ⲛⲁⲓ ⲉⲧⲥⲱⲣⲉⲙ ⲉ̀ⲃⲟⲗ : ϧⲉⲛ ⲛⲓⲧⲱⲟⲩ ⲛ̀ϣⲁϥⲉ : ϧⲉⲛ ⲟⲩϩ̀ⲕⲟ ⲛⲉⲙ ⲟⲩⲓ̀ⲃⲓ : ϧⲉⲛ ⲟⲩϫⲁϥ ⲛⲉⲙ ⲟⲩⲱ̀ϫⲉⲃ .

Ⲉⲩⲉⲣϧⲁⲉ̀ ⲉⲩϩⲉϫϩⲱϫ : ⲟⲩⲟϩ ⲉⲩϭⲓⲙ̀ⲕⲁϩ :ⲕⲁⲧⲁ ⲡ̀ⲥⲁϫⲓ ⲙ̀Ⲡⲁⲩⲗⲟⲥ : ⲡⲓⲁⲡⲟⲥⲧⲟⲗⲟⲥ .

Ⲁⲗⲗⲁ ⲡⲉⲕⲣⲁⲛ ⲉ̅ⲑ̅ⲩ̅ : ⲱ Ⲡⲁϭ̅ⲥ̅ Ⲓⲏ̅ⲥ̅ : ⲉⲧϣⲟⲡ ⲛⲱⲟⲩ ⲛ̀ⲛⲁϣϯ : ϧⲉⲛ ⲛⲟⲩϩⲟϫϩⲉϫ ⲧⲏⲣⲟⲩ .

Ⲡⲉⲕⲣⲁⲛ ⲉ̅ⲑ̅ⲩ̅ : ⲱ Ⲡⲁϭ̅ⲥ̅ Ⲓⲏ̅ⲥ̅ : ⲉⲑⲛⲟϩⲉⲙ ⲙ̀ⲙⲱⲟⲩ : ϧⲉⲛ ⲛⲟⲩⲑ̀ⲗⲓⲯⲓⲥ ⲧⲏⲣⲟⲩ .

Ⲛ̀ⲑⲟϥ ⲉⲧϣⲟⲡ ⲛⲱⲟⲩ : ⲛ̀ⲟⲩⲧ̀ⲣⲟⲫⲏ ⲛ̀ⲱⲛϧ : ⲉⲥϣⲁⲛϣ ⲛ̀ⲛⲟⲩⲯⲩⲭⲏ : ⲛⲉⲙ ⲛⲟⲩⲥⲱⲙⲁ ⲉⲩⲥⲟⲡ .

Ⲛ̀ⲑⲟϥ ⲉⲧϣⲟⲡ ⲛⲱⲟⲩ : ⲛ̀ⲟⲩⲙⲟⲩⲙⲓ ⲙ̀ⲙⲱⲟⲩ ⲛ̀ⲱⲛϧ : ⲉⲥϩⲟⲗϫ ϧⲉⲛ ⲧⲟⲩϣ̀ⲃⲱⲃⲓ : ⲉ̀ϩⲟⲧⲉ ⲡⲓⲉ̀ⲃⲓⲱ .

Ⲁⲩϣⲁⲛⲫⲓⲣⲓ ⲉ̀ⲣⲟϥ : ϣⲁⲣⲉ ⲡⲟⲩϩⲏⲧ ⲟⲩⲛⲟⲩϥ : ⲛ̀ⲧⲉϥⲫⲓⲣⲓ ⲉ̀ⲃⲟⲗ : ⲛ̀ϫⲉ ⲧⲟⲩⲕⲉⲥⲁⲣⲝ .

Ⲁⲩϣⲁⲛⲥⲁϫⲓ ⲉ̀ⲣⲟϥ : ϣⲁⲣⲉ ⲡⲟⲩⲛⲟⲩⲥ ϭⲓⲟⲩⲱⲓⲛⲓ : ⲛ̀ⲧⲉϥϣⲉⲛⲁϥ ⲉ̀ⲡ̀ϭⲓⲥⲓ ⲛ̀ϫⲉ ⲡⲟⲩⲕⲉϩⲏⲧ .

⁘⁘⁘⁘⁘⁘⁘⁘⁘⁘⁘⁘⁘⁘⁘⁘⁘⁘⁘⁘⁘

Ⲗⲟⲓⲡⲟⲛ ⲁⲛϢⲁⲛⲑⲱⲟⲩϯ : ⲉ̀ϯⲡⲣⲟⲥⲉⲩⲭⲏ : ⲙⲁⲣⲉⲛⲥ̀ⲙⲟⲩ ⲉ̀ⲡⲓⲣⲁⲛ ⲛ̀ⲧⲉ Ⲡⲁϭ̅ⲥ̅ Ⲓⲏ̅ⲥ̅ .

Ϫⲉ ⲧⲉⲛⲛⲁ ⲥ̀ⲙⲟⲩ ⲉ̀ⲣⲟⲕ: ⲱ Ⲡⲁϭ̅ⲥ̅ Ⲓⲏ̅ⲥ̅ : ⲛⲉϩⲁⲙⲉⲛ ϧⲉⲛ ⲡⲉⲕⲣⲁⲛ : ϫⲉ ⲁⲛⲉⲣϩⲉⲗⲡⲓⲥ ⲉ̀ⲣⲟⲕ .

Ⲉⲑⲣⲉⲛ ϩⲱⲥ ⲉ̀ⲣⲟⲕ : ⲛⲉⲙ ⲡⲉⲕⲓⲱⲧ ⲛ̀ⲁⲅⲁⲑⲟⲥ : ⲛⲉⲙ ⲡⲓⲡ̀ⲛⲉⲩⲙⲁ ⲉ̅ⲑ̅ⲩ̅ : ϫⲉ ⲁⲕⲓ̀ ⲁⲕⲥⲱϯ ⲙ̀ⲙⲟⲛ .

Δοξα Πατρι και Υιω : και αγιω πνευατι : και νυν και αι και ιστους :
εωνας των εωνων Αμην

Ϯⲉⲕⲕ'ⲗⲏⲥⲓⲁ ⲛ̀ⲧⲉ ⲁⲃⲃⲁ Ⲥⲁⲣⲁⲡⲁⲙⲱⲛ ⲡⲓⲉ̀ⲡⲓⲥ̀ⲕⲟⲡⲟⲥ ⲟⲩⲟϩ ⲙ̀ⲙⲁⲣⲧⲩⲣⲟⲥ ⲛ̀ⲧⲉ Ⲉⲗⲃⲁⲧⲁⲛⲱⲛ

 

Ⲛⲓⲥⲟⲫⲟⲥ ⲛ̀ⲍ̅

 ⲚⲓⲤⲟⲫⲟⲥ : ϭⲛⲟⲩⲧⲉⲛ , Ⲱⲥ , ⲉ̀ⲃⲟⲗ ϩⲁ ϯⲁⲧ ⲛ̀ϩⲟⲩⲟ̀ ⲇⲉ
ⲡⲓⲁⲗⲟⲩ : Ⲁϩⲁ , ⲁϣ ⲧⲉ ϯⲁⲧ ⲛ̀ϩⲟⲩⲟ ⲇⲉ :
Ⲥⲟⲗⲟⲛ :Ⲑⲁⲓ ⲧⲉ , ⲡⲓⲡⲁⲣⲁⲛⲟⲙⲟⲥ ⲉⲩϭⲓϩⲁⲡ , ⲟⲩⲟϩ ⲉⲩⲧ̀ϩⲉⲙⲕⲟϥ ⲉ̀ⲃⲟⲗ ϩⲓⲧⲉⲛ ⲛⲁⲓ ⲧⲏⲣⲟⲩ ⲛ̀ⲛⲉϥⲫⲟⲗϩⲱⲟⲩ ⲁⲛ , ⲕⲁⲓ ⲡⲁⲗⲓⲛ ⲟⲛ ϩⲓⲧⲉⲛ ⲙ̀ⲫⲏⲉⲧⲁϥⲫⲟⲗϩⲱⲟⲩ ϩⲓⲉⲩⲥⲟⲡ .
Ⲡⲓⲉⲁⲥ : Ⲑⲁⲓ ⲧⲉ ⲉⲛϧⲏⲧⲥ : ⲟⲩⲟⲛ ⲛⲓⲃⲉⲛ ⲉⲣϩⲱϯ ⲙ̀ⲡⲓⲛⲟⲥⲟⲥ ⲕⲁⲧⲁ ⲫ̀ⲣⲏϯ ⲉ̀ⲧⲟⲩⲉⲣϩⲱϯ ⲙ̀ⲡⲓⲧⲏⲣⲁⲛⲛⲟⲥ .
Ⲧⲁⲗⲏⲥ : Ⲑⲁⲓ ⲧⲉ ⲛ̀ⲛⲉⲥϣⲱⲡⲓ ⲛ̀ϧⲏⲧⲥ ⲛ̀ϫⲉ ⲧⲁⲣϣⲏⲟⲩⲧ ⲛ̀ⲣⲁⲙⲁⲟ̀ , ⲓⲉ ⲛⲓⲧⲁⲣϣⲏⲟⲩⲧ ⲛ̀ϯⲙⲉⲧϩⲏⲓⲕⲓ .
Ⲁⲛⲁⲭⲁⲣⲥⲏⲥ : Ⲑⲁⲓ ⲧⲉ ⲡⲉⲧⲛⲓⲣⲱⲙⲓ ⲛ̀ϧⲏⲧϥ ⲉⲩϭⲓϩⲟ ⲛ̀ⲛ̀ⲭⲁⲓ ⲛⲓⲃⲉⲛ ⲟⲩⲙⲟⲟⲩⲓⲟⲥ , ⲕⲁⲓ ⲡⲁⲗⲓⲛ ⲉⲩϯϣⲓ ⲙ̀ⲡⲓⲧⲁⲓⲟⲩ ϧⲉⲛ ⲡⲓϣⲓ ⲛ̀ⲧⲉ ϯⲡⲟⲗⲓⲧⲓⲁ ,ⲛⲉⲙ ⲡⲓϣⲓⲡⲓ ϧⲉⲛ ⲡⲓϣ ⲛ̀ⲧⲉ ⲡⲓⲑⲱⲗⲉⲃ .
Ⲃⲏⲧⲁⲕⲟⲥ : Ⲑⲁⲓ ⲧⲉ ⲛ̀ⲛⲟⲩϣ̀ϫⲟⲙ ⲁⲛ ⲛ̀ⲉ̀ⲛⲉϩ ⲛ̀ϫⲉ ⲛⲓⲁⲥⲉⲃⲟⲥ ⲉⲡⲓϩⲟⲛϩⲉⲛ , ⲕⲁⲓ ⲡⲁⲗⲓⲛ ⲛⲓⲁⲅⲁⲑⲟⲛ ⲛ̀ⲧⲟⲩϣⲱⲡⲓ ⲛ̀ⲁⲧϫⲟⲙ ⲉ̀ⲉⲣϩⲁⲡ .
ⲡⲓϫⲱⲙ ⲛ̀ⲧⲉ ⲛⲓⲥⲟⲫⲟⲥ ⲛ̀ⲍ̅

Ⲱⲟⲩⲛⲓⲁⲧϥ , Ⲧⲟⲩϧ , Ⲉⲗⲙⲉⲛⲛⲟⲩϥⲓⲁ̀ ⲁ̿ϣ̅ⲓ̅ⲅ̅

 

Ⲯ̅ⲗ̅ⲥ̅ⲙ̅
ϧⲉⲛ ⲙ̀ϩⲓⲧ

Ⲱⲟⲩⲛⲓⲁⲧϥ ⲙ̀ⲫⲏⲉⲑⲛⲁⲕⲁϯ ⲉ̀ϫⲉⲛ ⲟⲩϩⲏⲕⲓ ⲛⲉⲙ ⲟⲩϫⲱⲃ: ϧⲉⲛ ⲡⲓⲉϩⲟⲟⲩ ⲉⲧϩⲱⲟⲩ ⲉϥⲉ̀ⲛⲁϩⲙⲉϥ ⲛ̀ϫⲉ ⲡϭ̅ⲥ̅. 

 Ⲡϭ̅ⲥ̅ ⲉϥⲉ̀ⲁⲣⲉϩ ⲉ̀ⲣⲟϥ ⲉϥⲉ̀ⲧⲁⲛϧⲟϥ ⲟⲩⲟϩ ⲉϥⲉ̀ⲁⲓϥ ⲛ̀ⲛⲁⲓⲁⲧϥ ϩⲓϫⲉⲛ ⲡ̀ⲕⲁϩⲓ: ⲟⲩⲟϩ ⲛ̀ⲛⲉϥⲧⲏⲓϥ ⲉ̀ϧⲣⲏⲓ ⲉ̀ⲛⲉⲛϫⲓϫ ⲛ̀ⲛⲉϥϫⲁϫⲓ.

 Ⲉϥⲉ̀ⲉⲣⲃⲟⲏⲑⲓⲛ ⲉ̀ⲣⲟϥ ⲛ̀ϫⲉ ⲡϭ̅ⲥ̅ ϩⲓϫⲉⲛ ⲡ̀ϭⲗⲟϫ ⲛ̀ⲧⲉ ⲡⲉϥⲙ̀ⲕⲁϩⲛ̀ϩⲏⲧ: ⲡⲉϥⲙⲁⲛ̀ⲉⲛⲕⲟⲧ ⲧⲏⲣϥ ⲁⲕⲧⲁⲥⲑⲟϥ ϧⲉⲛ ⲧⲉϥⲓⲁⲃⲓ.

Ⲁⲛⲟⲕ ⲁⲓϫⲟⲥ ϫⲉ ⲡϭ̅ⲥ̅ ⲛⲁⲓ ⲛⲏⲓ: ⲙⲁⲧⲟⲩϫⲟ ⲛ̀ⲧⲁⲯⲩⲭⲏ ϫⲉ ⲁⲓⲉⲣⲛⲟⲃⲓ ⲉ̀ⲣⲟⲕ.

Ⲛⲁϫⲁϫⲓ ⲁⲩϫⲱ ⲛ̀ϩⲁⲛⲡⲉⲧϩⲱⲟⲩ ⲛⲏⲓ ϫⲉ ⲁϥⲛⲁⲙⲟⲩ ⲛ̀ⲑ̀ⲛⲁⲩ ⲛ̀ⲧⲉϥⲧⲁⲕⲟ ⲛ̀ϫⲉ ⲡⲉϥⲣⲁⲛ.

 Ⲛⲁϥⲛⲏⲟⲩ ⲉ̀ϧⲟⲩⲛ ⲡⲉ ⲉ̀ⲛⲁⲩ ⲛⲁϥⲥⲁϫⲓ ⲛ̀ⲟⲩⲙⲉⲧⲉⲫⲗⲏⲟⲩ ⲟⲩⲟϩ ⲡⲉϥϩⲏⲧ ⲁϥⲑⲱⲟⲩϯ ⲛⲁϥ ⲛ̀ⲟⲩⲁⲛⲟⲙⲓⲁ. ⲛⲁϥⲛⲏⲟⲩ ⲥⲁⲃⲟⲗ ⲛⲁϥⲥⲁϫⲓ ⲛ̀ⲥⲱⲓ ⲉⲩⲥⲟⲡ:

 Ⲁⲩⲭⲁⲥⲕⲉⲥ ϧⲁⲣⲟⲓ ⲧⲏⲣⲟⲩ ⲛ̀ϫⲉ ⲛⲁϫⲁϫⲓ: ⲁⲩⲥⲟϭⲛⲓ ϧⲁⲣⲟⲓ ⲛ̀ϩⲁⲛⲡⲉⲧϩⲱⲟⲩ:

⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾

 

Ⲟⲩⲟϩ ⲟⲩⲥⲁϫⲓ ⲙ̀ⲡⲁⲣⲁⲛⲟⲙⲟⲥ ⲡⲉⲧⲁⲩⲥⲉⲙⲛⲏⲧϥ ϧⲁⲣⲟⲓ: ⲙⲏ ⲫⲏⲉⲧⲉⲛⲕⲟⲧ ⲁⲛ ϥ̀ⲛⲁⲧⲱⲛϥ ⲁⲛ ϫⲉ.

 Ⲕⲉ ⲅⲁⲣ ⲫ̀ⲣⲱⲙⲓ ⲛ̀ⲧⲉ ⲧⲁϩⲓⲣⲏⲛⲏ ⲫⲏⲉⲧⲁⲓⲉⲣϩⲉⲗⲡⲓⲥ ⲉ̀ⲣⲟϥ:

  Ⲫⲏⲉⲑⲟⲩⲱⲙ ⲙ̀ⲡⲁⲱⲓⲕ ⲁϥⲧⲱⲟⲩⲛ ⲙ̀ⲡⲉϥⲑⲓⲃⲥ ⲉ̀ϩⲣⲏⲓ ⲉ̀ϫⲱⲓ. 

  ⲛ̀ⲑⲟⲕ ⲇⲉ ⲡϭ̅ⲥ̅ ⲛⲁⲓ ⲛⲏⲓ ⲟⲩⲟϩ ⲙⲁⲧⲟⲩⲛⲟⲥⲧ ⲟⲩⲟϩ ⲉⲓⲉ̀ϯ ⲛⲱⲟⲩ ⲛ̀ⲧⲟⲩϣⲉⲃⲓⲱ.

  Ⲛ́ϧ̀ⲣⲏⲓ ϧⲉⲛ ⲫⲁⲓ ⲁⲓⲉⲙⲓ ϫⲉ ⲁⲕⲟⲩⲁϣⲧ: ϫⲉ ⲛ̀ⲛⲉϥⲣⲁϣⲓ ⲙ̀ⲙⲟϥ ⲉ̀ϩⲣⲏⲓ ⲉ̀ϫⲱⲓ ⲛ̀ϫⲉ ⲡⲁϫⲁϫⲓ. 

 Ⲁⲛⲟⲕ ⲇⲉ ⲉⲑⲃⲉ ⲧⲁⲙⲉⲧⲁⲧⲕⲁⲕⲓⲁ ⲁⲕϣⲟⲡⲧ ⲉ̀ⲣⲟⲕ: ⲟⲩⲟϩ ⲁⲕⲧⲁϫⲣⲟⲓ ⲙ̀ⲡⲉⲕⲙ̀ⲑⲟ ⲉ̀ⲃⲟⲗ ϣⲁ ⲉⲛⲉϩ.

́ϥⲥ́ⲙⲁⲣⲱⲟⲩⲧ ⲛ̀ϫⲉ ⲡϭ̅ⲥ̅ ⲫϯ ⲙ̀ⲡⲓⲥ̅ⲗ̅ ⲓⲥϫⲉⲛ ⲡ́ⲉⲛⲉϩ ϣⲁ ⲉⲛⲉϩ ⲉⲥⲉ̀ϣⲱⲡⲓ ⲉⲥⲉ̀ϣⲱⲡⲓ.

Ⲁⲙⲏⲛ ⲁ̅ⲗ̅

⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾⳾

⁖⁖⁖⁖⁖⁖⁖⁖⁖⁖⁖⁖⁖⁖⁖⁖⁖⁖⁖⁖⁖⁖⁖⁖

 

Ϩ̅ⲛ ⲙ̅ⲣⲏⲥ

Ⲛⲁⲓⲁⲧ̅ϥ ⲙ̅ⲡⲣⲱⲙⲉ ⲉⲧⲛⲁϯϩⲧⲏϥ ⲉⲩϩⲏⲕⲉ ⲙ̅ⲛ ⲟⲩⲉⲃⲓⲏⲛ , Ⲡ̅ϫⲟⲉⲓⲥ  ⲛⲁⲧⲟⲩϫⲟϥ ϩ̅ⲛ ⲟⲩϩⲟⲟⲩ ⲙ̅ⲡⲟⲛⲏⲣⲟⲛ

ϥ̅ⲛⲁϩⲣⲁⲣⲉϩ ⲉⲣⲟϥ ⲛ̅ϥⲧⲁⲛϩⲟϥ ⲛ̅ϥⲙⲁⲕⲁⲣⲓⲍⲉ ⲙ̅ⲙⲟϥ ϩⲓϫ̅ⲙ ⲡⲕⲁϩ , Ⲁⲕⲕⲧⲟ ⲙ̅ⲡⲉϥⲙⲁⲛ̅ⲛ̅ⲕⲟⲧ̅ⲕ  ⲧⲏⲣϥ ϩ̅ⲙ ⲡⲉϥϣⲱⲛⲉ .

Ⲁⲛⲟⲕ ⲁⲓϫⲟⲟⲥ ϫⲉ Ⲡϫⲟⲉⲓ̈ⲥ ⲛⲁ ⲛⲁⲓ ⲙⲁⲧⲁⲗϭⲉ ⲧⲁⲯⲩⲭⲏ ϫⲉ ⲁⲓⲣ̅ⲛⲟⲃⲉ ⲉ̅ⲣⲟⲕ .

Ⲁ ⲛⲁϫⲁϫⲉ ϫⲱ ⲉ̅ⲣⲟⲓ ⲛ̅ϩⲉⲛⲡⲉⲑⲟⲟⲩ . ϫⲉ ⲉϥⲛⲁⲙⲟⲩ , ⲧⲛⲁⲩ ⲛ̅ⲧⲉ ⲡⲉϥⲣⲁⲛ ⲧⲁⲕⲟ .

Ⲁⲩⲱ ⲛⲉϥⲃⲏⲕ ⲉ̀ϩⲟⲩⲛ ⲉⲛⲁⲩⲉϥϫⲱ ⲛ̅ϩⲡⲉⲧϩϣⲟⲩⲉⲓⲧ . Ⲁⲡⲉϥϩⲏⲧ  ⲥⲱⲟⲩⲛϩ ⲛⲁϥ ⲉϩⲟⲩⲛ ⲛ̅ⲟⲩⲁⲛⲟⲙⲓⲁ , ⲛⲉϥⲙⲟⲟϣⲉ ⲉⲃⲟⲗ ⲉϥϣⲁϫⲉ ⲉⲣⲟⲓ .

Ⲛⲉⲩⲕⲁⲥⲕ̅ⲥ ⲉⲣⲟⲓ ⲧⲏⲣⲟⲩ  ⲛ̅ϭⲓ ⲛⲁϫⲁϫⲉ ϩⲓⲟⲩⲥⲟⲡ . Ⲛⲉⲩⲙⲉⲉⲩⲉ ⲉ̅ⲣⲟⲓ ⲉ̅ϩⲉⲛⲡⲉⲑⲟⲟⲩ .

Ⲁⲩⲥ̅ⲙⲓⲛⲉ ⲛ̅ⲟⲩϣⲁϫⲉ ⲙ̅ⲡⲁⲣⲁⲛⲟⲙⲟⲥ ⲉ̅ⲣⲟⲓ . Ⲙⲏ ⲡⲉⲧⲛ̅ⲕⲟⲧ̅ⲕ ⲙⲉϥⲟⲩⲱϩ ⲉⲧⲟⲟⲧ̅ϥ ⲉⲧⲱⲟⲩⲛ .

Ⲕⲁⲓ ⲅⲁⲣ ⲡⲣⲱⲙⲉ ⲛ̅ⲧⲁⲉⲓ̈ⲣⲏⲛⲏ ⲛⲉⲓ̈ⲕⲱ ⲛ̅ϩⲧⲏⲓ ⲉ̅ⲣⲟϥ .

Ⲡⲉⲧⲟⲩⲱⲙ ⲟⲉⲓⲕ ⲛ̅ⲙ̅ⲙⲁⲓ ⲁϥϥⲓ ⲙ̅ⲡⲉϥϯⲃ̅ⲥ ⲉ̅ϩⲣⲁⲓ̈ ⲉ̅ϫⲱⲓ . Ⲛ̅ⲧⲟⲕ ⲇⲉ Ⲡϫⲟⲉⲓ̈ⲥ  ⲛⲁ ⲛⲁⲓ ⲛ̅ⲅⲧⲟⲩⲛⲟⲥ̅ⲧ ⲧⲁⲧⲱⲱⲃⲉ ⲛⲁⲩ .

Ϩ̅ⲙ ⲡⲁⲓ ⲁⲓ̈ⲉⲓ̈ⲙⲉ ϫⲉ ⲟⲩⲁϣ̅ⲧ  ϫⲉ ⲛ̅ⲛⲉ ⲡⲁϫⲁϫⲉ ⲣⲁϣⲉ ⲙ̅ⲙⲟⲓ .

Ⲁ̅ⲛⲟⲕ ⲇⲉ ⲁⲕϣⲟⲡ̅ⲧ ⲉ̅ⲣⲟⲕ ⲉⲧⲃⲉ ⲧⲁⲙ̅ⲛⲃⲁⲗϩⲏⲧ . Ⲁⲩⲱ ⲁⲕⲧⲁϫⲣⲟⲓ ⲙ̅ⲡⲉⲕⲙ̅ⲧⲟ ⲉⲃⲟⲗ ϣⲁ ⲉⲛⲉϩ .

Ϥ̅ⲥ̅ⲙⲁⲙⲁⲁⲧ ⲛ̅ϭⲓ Ⲡϫⲟⲉⲓ̈ⲥ Ⲡⲛⲟⲩⲧⲉ  ⲙ̅ⲡⲒⲏ̅ⲗ̅ ϫⲓⲛ ⲉⲛⲉϩ ϣⲁ ⲉⲛⲉϩ ⲉϥⲉϣⲱⲡⲉ , ⲉϥⲉϣⲱⲡⲉ Ϩⲁⲙⲏⲛ Ⲁⲗⲗⲏⲗⲟⲩⲓ̈ⲁ 

 

⁖⁖⁖⁖⁖⁖⁖⁖⁖⁖⁖⁖⁖⁖⁖⁖⁖⁖⁖⁖⁖⁖⁖⁖

Ⲟⲩⲡⲩⲗⲏ ⲛ́ⲟⲩⲏⲓ ⲉ́ⲃⲟⲗϩⲁ ϯⲕⲟⲩⲙⲏ ⲛ́ⲧⲉ Ⲧⲟⲩϧ ⲇⲁⲗⲕⲁϩ… Ⲉⲗⲙⲉⲛⲟⲩϥⲓⲁ́, Ⲓⲥϫⲉ ⲁ̿̿ϣ̅̅ⲓ̅̅ⲅ̅

Ⲡⲓⲙⲟⲛⲁⲥⲧⲏⲣⲓⲟⲛ ⲛ́ⲧⲉ ⲁⲃⲃⲁ Ⲑⲱⲙⲁⲥ ⲡⲓⲁⲛⲁⲭⲱⲣⲓⲧⲏⲥ, Ⲉⲗⲁⲗⲁⲙⲏ̈ⲓⲛ

Ⲕ̅ⲑ̅,  Ⲑⲱⲟⲩⲧ, ⲁ̿ⲯ̅ⲙ̅ⲃ̅

Ⲡⲓⲙⲟⲛⲁⲥⲧⲏⲣⲓⲟⲛ ⲛ́ⲧⲉ ⲁⲃⲃⲁ Ⲙⲁⲕⲁⲣⲓ ϣⲓϩⲏⲧ

ⲕ̅ⲑ̅ Ⲑⲱⲟⲩⲧ ⲁ̿ⲯ̅ⲙ̅ⲃ̅