Ⲱⲟⲩⲛⲓⲁⲧϥ , Ⲧⲟⲩϧ , Ⲉⲗⲙⲉⲛⲛⲟⲩϥⲓⲁ̀ ⲁ̿ϣ̅ⲓ̅ⲅ̅

 

Ⲯ̅ⲗ̅ⲥ̅ⲙ̅
ϧⲉⲛ ⲙ̀ϩⲓⲧ
Ⲱⲟⲩⲛⲓⲁⲧϥ ⲙ̀ⲫⲏⲉⲑⲛⲁⲕⲁϯ ⲉ̀ϫⲉⲛ ⲟⲩϩⲏⲕⲓ ⲛⲉⲙ ⲟⲩϫⲱⲃ: ϧⲉⲛ ⲡⲓⲉϩⲟⲟⲩ ⲉⲧϩⲱⲟⲩ ⲉϥⲉ̀ⲛⲁϩⲙⲉϥ ⲛ̀ϫⲉ ⲡϭ̅ⲥ̅. 

 Ⲡϭ̅ⲥ̅ ⲉϥⲉ̀ⲁⲣⲉϩ ⲉ̀ⲣⲟϥ ⲉϥⲉ̀ⲧⲁⲛϧⲟϥ ⲟⲩⲟϩ ⲉϥⲉ̀ⲁⲓϥ ⲛ̀ⲛⲁⲓⲁⲧϥ ϩⲓϫⲉⲛ ⲡⲕⲁϩⲓ: ⲟⲩⲟϩ ⲛ̀ⲛⲉϥⲧⲏⲓϥ ⲉ̀ϧⲣⲏⲓ ⲉ̀ⲛⲉⲛϫⲓϫ ⲛ̀ⲛⲉϥϫⲁϫⲓ.

 Ⲉϥⲉ̀ⲉⲣⲃⲟⲏⲑⲓⲛ ⲉ̀ⲣⲟϥ ⲛ̀ϫⲉ ⲡϭ̅ⲥ̅ ϩⲓϫⲉⲛ ⲡ̀ϭⲗⲟϫ ⲛ̀ⲧⲉ ⲡⲉϥⲙ̀ⲕⲁϩ ⲛ̀ϩⲏⲧ: ⲡⲉϥⲙⲁⲛ̀ⲉⲛⲕⲟⲧ ⲧⲏⲣϥ ⲁⲕⲧⲁⲥⲑⲟϥ ϧⲉⲛ ⲧⲉϥⲓⲁⲃⲓ.

Ⲁⲛⲟⲕ ⲁⲓϫⲟⲥ ϫⲉ ⲡϭ̅ⲥ̅ ⲛⲁⲓ ⲛⲏⲓ: ⲙⲁⲧⲟⲩϫⲟ ⲛ̀ⲧⲁⲯⲩⲭⲏ ϫⲉ ⲁⲓⲉⲣⲛⲟⲃⲓ ⲉ̀ⲣⲟⲕ.

Ⲛⲁϫⲁϫⲓ ⲁⲩϫⲱ ⲛ̀ϩⲁⲛⲡⲉⲧϩⲱⲟⲩ ⲛⲏⲓ ϫⲉ ⲁϥⲛⲁⲙⲟⲩ ⲛ̀ⲑⲛⲁⲩ ⲛ̀ⲧⲉϥⲧⲁⲕⲟ ⲛ̀ϫⲉ ⲡⲉϥⲣⲁⲛ.

 Ⲛⲁϥⲛⲏⲟⲩ ⲉ̀ϧⲟⲩⲛ ⲡⲉ ⲉ̀ⲛⲁⲩ ⲛⲁϥⲥⲁϫⲓ ⲛ̀ⲟⲩⲙⲉⲧⲉⲫⲗⲏⲟⲩ ⲟⲩⲟϩ ⲡⲉϥϩⲏⲧ ⲁϥⲑⲱⲟⲩϯ ⲛⲁϥ ⲛ̀ⲟⲩⲁⲛⲟⲙⲓⲁ.  ⲛⲁϥⲛⲏⲟⲩ ⲥⲁⲃⲟⲗ ⲛⲁϥⲥⲁϫⲓ ⲛ̀ⲥⲱⲓ ⲉⲩⲥⲟⲡ:

 Ⲁⲩⲭⲁⲥⲕⲉⲥ ϧⲁⲣⲟⲓ ⲧⲏⲣⲟⲩ ⲛ̀ϫⲉ ⲛⲁϫⲁϫⲓ: ⲁⲩⲥⲟϭⲛⲓ ϧⲁⲣⲟⲓ ⲛ̀ϩⲁⲛⲡⲉⲧϩⲱⲟⲩ:

 Ⲟⲩⲟϩ ⲟⲩⲥⲁϫⲓ ⲙ̀ⲡⲁⲣⲁⲛⲟⲙⲟⲥ ⲡⲉⲧⲁⲩⲥⲉⲙⲛⲏⲧϥ ϧⲁⲣⲟⲓ: ⲙⲏ ⲫⲏⲉⲧⲉⲛⲕⲟⲧ ⲁⲛ ϥⲛⲁⲧⲱⲛϥ ⲁⲛ ϫⲉ.

 Ⲕⲉ ⲅⲁⲣ ⲫ̀ⲣⲱⲙⲓ ⲛ̀ⲧⲉ ⲧⲁϩⲓⲣⲏⲛⲏ ⲫⲏ ⲉⲧⲁⲓⲉⲣϩⲉⲗⲡⲓⲥ ⲉ̀ⲣⲟϥ:

  Ⲫⲏⲉⲑⲟⲩⲱⲙ ⲙ̀ⲡⲁⲱⲓⲕ ⲁϥⲧⲱⲟⲩⲛ ⲙ̀ⲡⲉϥⲑⲓⲃⲥ ⲉ̀ϩⲣⲏⲓ ⲉ̀ϫⲱⲓ. 

  ⲛ̀ⲑⲟⲕ ⲇⲉ ⲡϭ̅ⲥ̅ ⲛⲁⲓ ⲛⲏⲓ ⲟⲩⲟϩ ⲙⲁⲧⲟⲩⲛⲟⲥⲧ ⲟⲩⲟϩ ⲉⲓⲉ̀ϯ ⲛⲱⲟⲩ ⲛ̀ⲧⲟⲩϣⲉⲃⲓⲱ.

  Ⲛ́ϧⲣⲏⲓ ϧⲉⲛ ⲫⲁⲓ ⲁⲓⲉⲙⲓ ϫⲉ ⲁⲕⲟⲩⲁϣⲧ: ϫⲉ ⲛ̀ⲛⲉϥⲣⲁϣⲓ ⲙ̀ⲙⲟϥ ⲉ̀ϩⲣⲏⲓ ⲉϫⲱⲓ ⲛ̀ϫⲉ ⲡⲁϫⲁϫⲓ. 

 Ⲁⲛⲟⲕ ⲇⲉ ⲉⲑⲃⲉ ⲧⲁⲙⲉⲧⲁⲧⲕⲁⲕⲓⲁ ⲁⲕϣⲟⲡⲧ ⲉ̀ⲣⲟⲕ: ⲟⲩⲟϩ ⲁⲕⲧⲁϫⲣⲟⲓ ⲙ̀ⲡⲉⲕⲙ̀ⲑⲟ ⲉ̀ⲃⲟⲗ ϣⲁ ⲉⲛⲉϩ.

́ϥⲥ́ⲙⲁⲣⲱⲟⲩⲧ ⲛ̀ϫⲉ ⲡϭ̅ⲥ̅ ⲫϯ ⲙ̀ⲡⲓⲥ̅ⲗ̅ ⲓⲥϫⲉⲛ ⲡ́ⲉⲛⲉϩ ϣⲁ ⲉⲛⲉϩ ⲉⲥⲉ̀ϣⲱⲡⲓ ⲉⲥⲉ̀ϣⲱⲡⲓ.

Ⲁⲙⲏⲛ ⲁ̅ⲗ̅

Ϩ̅ⲛ ⲙ̅ⲣⲏⲥ
Ⲛⲁⲓⲁⲧ̅ϥ ⲙ̅ⲡⲣⲱⲙⲉ ⲉⲧⲛⲁϯϩⲧⲏϥ ⲉⲩϩⲏⲕⲉ ⲙ̅ⲛ ⲟⲩⲉⲃⲓⲏⲛ , Ⲡϫⲟⲉⲓⲥ  ⲛⲁⲧⲟⲩϫⲟϥ ϩ̅ⲛ ⲟⲩϩⲟⲟⲩ ⲙ̅ⲡⲟⲛⲏⲣⲟⲛ

ϥ̅ⲛⲁϩⲣⲁⲣⲉϩ ⲉⲣⲟϥ ⲛ̅ϥⲧⲁⲛϩⲟϥ ⲛ̅ϥⲙⲁⲕⲁⲣⲓⲍⲉ ⲙ̅ⲙⲟϥ ϩⲓϫ̅ⲙ ⲡⲕⲁϩ , Ⲁⲕⲕⲧⲟ ⲙ̅ⲡⲉϥⲙⲁⲛ̅ⲛ̅ⲕⲟⲧ̅ⲕ  ⲧⲏⲣϥ ϩ̅ⲙ ⲡⲉϥϣⲱⲛⲉ .

Ⲁⲛⲟⲕ ⲁⲓϫⲟⲟⲥ ϫⲉ Ⲡϫⲟⲉⲓ̈ⲥ ⲛⲁ ⲛⲁ ⲙⲁⲧⲁⲗϭⲉ ⲧⲁⲯⲩⲭⲏ ϫⲉ ⲁⲓⲣ̅ⲛⲟⲃⲉ ⲉ̅ⲣⲟⲕ .

Ⲁ ⲛⲁϫⲁϫⲉ ϫⲱ ⲉ̅ⲣⲟⲓ ⲛ̅ϩⲉⲛⲡⲉⲑⲟⲟⲩ . ϫⲉ ⲉϥⲛⲁⲙⲟⲩ , ⲧⲛⲁⲩ ⲛ̅ⲧⲉ ⲡⲉϥⲣⲁⲛ ⲧⲁⲕⲟ .

Ⲁⲩⲱ ⲛⲉϥⲃⲏⲕ ⲉ̀ϩⲟⲩⲛ ⲉⲛⲁⲩⲉϥϫⲱ ⲛ̅ϩⲡⲉⲧϩϣⲟⲩⲉⲓⲧ . Ⲁⲡⲉϥϩⲏⲧ  ⲥⲱⲟⲩⲛϩ ⲛⲁϥ ⲉϩⲟⲩⲛ ⲛ̅ⲟⲩⲁⲛⲟⲙⲓⲁ , ⲛⲉϥⲙⲟⲟϣⲉ ⲉⲃⲟⲗ ⲉϥϣⲁϫⲉ ⲉⲣⲟⲓ .

Ⲛⲉⲩⲕⲁⲥⲕ̅ⲥ ⲉⲣⲟⲓ ⲧⲏⲣⲟⲩ  ⲛ̅ϭⲓ ⲛⲁϫⲁϫⲉ ϩⲓⲟⲥⲟⲡ . Ⲛⲉⲩⲙⲉⲉⲩⲉ ⲉ̅ⲣⲟⲓ ⲉ̅ϩⲉⲛⲡⲉⲑⲟⲟⲩ .

Ⲁⲩⲥⲙⲓⲛⲉ ⲛ̅ⲟⲩϣⲁϫⲉ ⲙ̅ⲡⲁⲣⲁⲛⲟⲙⲟⲥ ⲉ̅ⲣⲟⲓ . Ⲙⲏ ⲡⲉⲧⲛ̅ⲕⲟⲧ̅ⲕ ⲙⲉϥⲟⲩⲱϩ ⲉⲧⲟⲟⲧ̅ϥ ⲉⲧⲱⲟⲩⲛ .

Ⲕⲁⲓ ⲅⲁⲣ ⲡⲣⲱⲙⲉ ⲛ̅ⲧⲁⲉⲓ̈ⲣⲏⲛⲏ ⲛⲉⲓ̈ⲕⲱ ⲛ̅ϩⲧⲏⲓ ⲉ̅ⲣⲟϥ .

Ⲡⲉⲧⲟⲩⲱⲙ ⲟⲉⲓⲕ ⲛ̅ⲙ̅ⲙⲁⲓ ⲁϥϥⲓ ⲙ̅ⲡⲉϥϯⲃ̅ⲥ ⲉ̅ϩⲣⲁⲓ̈ ⲉ̅ϫⲱⲓ . Ⲛ̅ⲧⲟⲕ ⲇⲉ Ⲡϫⲟⲉⲓ̈ⲥ  ⲛⲁ ⲛⲁⲓ ⲛ̅ⲅⲧⲟⲩⲛⲟⲥ̅ⲧ ⲧⲁⲧⲱⲱⲃⲉ ⲛⲁⲩ .

Ϩ̅ⲙ ⲡⲁⲓ ⲁⲓ̈ⲉⲓ̈ⲙⲉ ϫⲉⲟⲩⲁϣ̅ⲧ  ϫⲉ ⲛ̅ⲛⲉ ⲡⲁϫⲁϫⲉⲣⲁϣⲉ ⲙ̅ⲙⲟⲓ .

Ⲁ̅ⲛⲟⲕ ⲇⲉ ⲁⲕϣⲟⲡ̅ⲧ ⲉ̅ⲣⲟⲕ ⲉⲧⲃⲉ ⲧⲁⲙ̅ⲛⲃⲁⲗϩⲏⲧ . Ⲁⲩⲱ ⲁⲕⲧⲁϫⲣⲟⲓ ⲙ̅ⲡⲉⲕⲙ̅ⲧⲟ ⲉⲃⲟⲗ ϣⲁ ⲉⲛⲉϩ .

Ϥ̅ⲥ̅ⲙⲁⲙⲁⲁⲧ ⲛ̅ϭⲓ Ⲡϫⲟⲉⲓ̈ⲥ Ⲡⲛⲟⲩⲧⲉ  ⲙ̅ ⲡⲒⲏ̅ⲗ̅ ϫⲓⲛ ⲉⲛⲉϩ ϣⲁ ⲉⲛⲉϩ ⲉϥⲉϣⲱⲡⲉ , ⲉϥⲉϣⲱⲡⲉ

Ϩⲁⲙⲏⲛ Ⲁⲗⲗⲏⲗⲟⲩⲓ̈ⲁ

Ⲟⲩⲡⲩⲗⲏ ⲛ́ⲟⲩⲏⲓ ⲉ́ⲃⲟⲗϩⲁ ϯⲕⲟⲩⲙⲏ ⲛ́ⲧⲉ Ⲧⲟⲩϧ ⲇⲁⲗⲕⲁϩ… Ⲉⲗⲙⲉⲛⲟⲩϥⲓⲁ́, Ⲓⲥϫⲉ ⲁ̿̿ϣ̅̅ⲓ̅̅ⲅ̅