بيقولوا

بيقولوا البلطجية في الميدان
بيقولوا  بيحرقوا في شارع ريحان
بيقولوا  بيمارسوا الزنا في الخيام
غداهم كنتاكي
و عشاهم من  الحاتي
بيشربوا ويسكي
و فودكا و ساكي

و قال ايه الحشيش
و الدخان الازرق
طالع من الجوز و الشيش

اتاري الميدان
مليان دخان
و الرؤية مافيش
و صوت الخراطيش
مش رصاص
ده
كركرة  الكيف  

 بيقولوا  النيران   

و ازعاج الجيران
 علشان الثوار 

 عبدة للشيطان

بيقولوا العسكري
مضروب يا حرام
بياخد بالاقلام
عالخد اليمين
فيدي الشمال

بيقولوا  البنات
بتعري الحاجات
و ترمي  نفسها
تحت البيدات

بيقولوا  و يقولوا و يقولوا
و العسكري  واقف اليوم بطوله
و كل مايكروفون يطوله
 يزعق  ينادي
و يعرض  رسومه
محدش  يلومه
دليله  هدومه
سلاحه  هدومه 

و محدش  يلومه

و الا 

بالدبابه  يدوسه

يقولوا و يقولوا و و يقولوا
و يكدبوا  كل الي بيشوفوا

بقلم
لورانس  و و ليم