عن الساخر

دلوقتي بعد ما سمعت حلقة باسم بس اقدر اتكلم و اقول انطباعاتي
1- الحلقة في مجملها بتتكلم علي صناعة الاصنام مش عن السيسي
2- اكترها استفزاز مقصود للناس بالتلميح للسيسي في رأي لسببين
أ-علشان يقول انه ضد صناعة الديكتاتور
ب- انتقام من الهجوم المبالغ عليه
3-الحلقة فيها دعاية سلبية للسيسي(بمعني هو هنا عايش دور الشرير الي بيكره السيسي و مش طايقه و الناس بتحبه و تغيظه بيه )
4-الكلام علي منع الحلقة الاخيرة في سي بي سي مالوش علاقة بالسيسي غالبا المزة الممثلة اياها وده بكلام باسم في فترة منع برنامجه و حسب تصريحات المتحدث الرسمي
5-مستوي الحلقة عادي
6- اداء باسم فيه نسبة مرارة عالية قوي و ده واضح من انخفاض المستوي عن المتوقع و سخريته من القناة السابقة ومن الناس الي اهانوه
7-الحلقة في مجملها بتقول ان السيسي و الامن عموما مدي له مطلق الحريةوواضح جدا ان مافيش رقابة ولا هتكون
8-كنت توقعت اول ما سافر الامارات قبل الغاء عقده مع السي بي سي ان عقده الجاي مع قناة خليجي و قولت غالبا ام بي سي هو نفاه وقتها و طلع اشاعات حوالين تعاقده مع قناة المانية
وحاليا انا ميال ان الي حصل بخصوص وقف برنامجه مجرد لعبة ما بين القناتين و شركة البرنامج كنوع من انواع الدعاية اللئيمة للبرنامج و يمكن كمان ليها اسباب سياسية بالاضافة للدعاية