و يسألونك عن القلبظ
فقل
هو مادة خصبة للسخرية
و هو نموذج متكرر و موجود في كل الكنايس و علي كل المستويات
اكيد تعرف من النوع ده دسته
و بتقابلك اخبارهم و تصريحاتهم العبقرية في الجرايد و التليفزيون و النت
هتلاقي قلبظ في كل دير و في كل ايبارشية و مطرانية و كنيسة
بعد كل حادثة ضد الاقباط بتلاقي قلبظ يطلع يتكلم عن الوحدة الوطنية
بعد كل مصيبة هتلاقي دستة قلابظ نزلت تعمل قاعدة عرفية
في كل مناسبة انتخابية هتلاقي قلبظ علشان يذوب عشقا
في كل ثورة هتلاقي قلبظ بيدافع عن النظام
و بعد نجاح كل ثورة هتلاقي نفس القلبظ طلع يدعم الثورة و الثوار
و بعد فشلها هتلاقيه يرجع يلعن سلسفين ام نفس الثوار
القلبظ يا عزيزي اسلوب حياة
و اسلوب صلاة
فهو رسول الله
ووكيل الله
و هو المتحدث الرسمي باسم الله و باسم خرفان القطيع و ايضا باسم الشيطان و باسم الذئاب
و هو العالم الجهبز العبقري الذي يعرف جميع انواع العلوم و الاخبار
و هو الناسك العابد الذي يأتيه الوحي و التنبؤات
و حامي حمي العباد
#قلبظ_لايف_استايل
No comments:
Post a Comment