حد شافني في التليفزيون
او مداخلتي في التليفون
طيب قصيدتي الجديدة
جت في الجون ؟
و اغاني في
ما يطلبه المستمعون
طيب شوفتوني مع
حضرات المذيعون ؟
مين سجل ورفع اليوتيوب ؟
مين شير و اعجب
في الفيس بووك
مين هيصقف لي
مين هيقول
gamila awyyyyyyyyyyyyy
زي البونبون
مين هيقول
inta gamil awyyyyyyy
يا مضروب
مين هتسيب صاحبها
مين هتبيع تاريخها
علشاني انا المشهور ؟؟؟
مين شافني في المولد
ببيع الحمص
للزائرون
مين نسيني
و انا بمدح مبارك و التابعون
و مين لسه فاكرني
و انا في وسط الليبراليون
او حتي سمعني و انا
بطبل للسلفيون
علي كل لون
في كل مركب
بتعوم
و لو في يوم
بطلت عوم
هاقول شالوم
حد خد باله اني برفع المنصوب
و المجرور
ب ون
ما هو لازم ابان زي المثقفون
:)
بقلم لورانس و وليم
No comments:
Post a Comment