مافيش نور

مافيش نور ولا مية
ده دم ديابة بيلعبوا
كراسي موسيقية
يقوم و يجري
و التاني يسرق الكرسي
ده يقتل شوية
و ده يقتل شوية
و الحالة زفت و زفتين
و تزيد الوحلة
و المجاري لسه وسخة
بتعلي و  تفيض
و تصب في المصلحة
باللتر و الاتنين
يفوز ده و لا التاني
المجاري هي هي
و احنا الغرقانين
بقلم لورانس و وليم

اديني سبب

اديني سبب انك  ما تشتريش
 عربية فيات ١٢٨
موديل ١٩٨٠
انا مصري شريف
 لا شيخ ولا قسيس
و لا تاجر علف
ولا صعيدي بيغسل اطباق
في باريس
و لا قاضي شامخ مهيب
و لا عسكري ولا في الجيش
و لا موظف عميق
في دولة النصب و النهب
و الدرج الواسع الغويط
و الشاي بالياسمين
ولا اعلامي امنجي شهير
و لا اخوانجي او سلفنجي
بقبض من خرفان الخليج
عرفتوا ليه
بمشي برجلي علي الرصيف
بقلم لورانس و وليم

رجليها مش طايلة الارض

 

رجليها مش طايلة الارض
و الكنبة مرتفعات
و مشوارها للبلاط
سفر و رحلات
و ان حبت تطلع تاني
تتسلق الملايات
و عجبي
بقلم لورانس و وليم

كان فيه

كان فيه حيوان قصير
و كان اسمه بلحه
و كان دايما بيصب
في مصلحة المواطن
الي ما كانش مبسوط
ما هو اصله فاهم
ان عمره ما هيثور

و ديما بيسرق
و يدي القاضي و العسكور
اصلهم رجالته
 الي دايما يحموه
و يدافعوا عن فشله
و سرقته و فساده
و يلفقوا قضايا للي يقف قصاده

ببساطة

 

ببساطة

 كلنا نستاهل
الي في الخرايب
و الي في الساحل
في البدروم عايش
او في مصر الدور التاني
يعني المجاري لو ضربت
هتغرق البدروم
هتوصل للي في الارضي
ساكن
و هتسيب الاساس ثابت
بقي ده كلام عاقل
ده كله هيتطربق
علي دماغ الميت و العايش
و الي ساكن في الدور التاني
وقعته من عالي
وقعة لاعماق المجاري
بقلم لورانس و وليم

اعمل نفسك

اعمل نفسك وطني

و اعمل نفسك بتتعلم

و الزبالة في الحوش و الكراس

و دماغ المدرس و الفراش

و الام و الاب الحشاش 

و الطالب الغشاش 

ودماغ الشيخ و القلبظ النصاب 

و الريس الفشار 

و عضو برطمان شعب

طاير علي دخان الخشخاش

الازرق 

و عجبي

بقلم لورانس و وليم

في الحافلة

في الحافلة 

و كهرباء قلبي 

تخبرني 

بقربك

و رنين صوتك 

في أذني 

ما التفت 

ما ألقيت نظرة 

حيث يقبع جسدك

فقد اكتفيت بالحسرة 

و قد. سكرت من الموت بسكرة

و روحي التي تخنقها العبرة 

قد قرأت علي نهديك و الخاصرة 

لافتة 

للبيع 

في تلك الليلة 

تثاقلت

ما برحت الحافلة 

إلا عندما 

مضغك ظلام الطريق

و عدت؟ 

أحقا؟. أنا الذي عدت 

بل عاد شبحي،. جثتي 

تاركا اياي 

بحارا غريق 

بقلم 

لورانس و وليم

عيناك. وطن خائن

عيناك. وطن خائن

و الشعر قيود و سلاسل

صدرك خزائن

للآخرين

و شعري 

الحان مآتم

تتلي للمائتين

و شعري ليت شعري

ذهبا او ما يكنزه الكانزين

لا كلام و مشاعر

تنكسر امواج بحر

علي صخور. المنبتين

بقلم لورانس و وليم

احتار في الاطبا

‏احتار في الاطبا 

و عجزت الدجالين

يوم في السما الصحة

و ايام في الطين

و يوم الضحكة طبلة

و ايام نواح مزمار حزين

و الوجع شجرة

بتكبر للمنشار

لاجل في يوم تتحول

لتابوت وراحة

من ألم السنين

بقلم لورانس و وليم

لا أسخر

لا أسخر منهم

بل من ذاتي القديمة 

التي تقف حيث يقفون 

تفعل ذات ما يفعلون

بحماقة بقرة 

ضمن قطيع مجنون

بقلم لورانس و وليم

الكتكوت

قول هو الكتكوت

 الجامد المتين

ابو ريش لميع منفوش و جميل 

لا انباض و لا بيبيض

و مالوش مثيل في الكتاكيت

#بالمصري_الفصيح

قارئة البادنجان

فحبيبة قلبك يا ولدي بتتفسح في اوروبا

هناك النور و المية ما بتقطعش 

و لابيغلوا الاجرة

#قارئة_البادنجان

نظرت خلفها

نظرت فجأة خلفها
لتتأكد إنهم  يتابعون
أمواج اردافها
و عيونهم  باحكام أسيرة  
في سلاسل شعرها
و لتلقي نظرة احتقارها
عليهم و تمضي في سبيلها
سعيدة بأسري  سحرها
لاعبة بقلوب
ساحرة قلوب
و لأخري ساحقة
و تعلقهم في خزانة لعبها 
و في وقت فراغها 
ستنتقي منهم
صاحب السيارة الفارهة 

بقلم لورانس و وليم