Ⲁⲕⲓ́ ⲉ́ⲡ́ϧⲟⲗϧⲉⲗ

Ⲁⲕⲓ́ ⲉ́ⲡ́ϧⲟⲗϧⲉⲗ ⲙ́ⲫⲣⲏϯ ⲛ́ⲟⲩⲉⲥⲱⲟⲩ, ⲉ́ϧⲣⲏⲓ ⲉ́ⲟⲩⲥ́ⲧⲁⲩⲣⲟⲥ 

Ⲁⲕⲱⲟⲩⲛϩ ⲉ́ⲃⲟⲗ ⲛ́ⲧⲉⲕⲛⲓϣϯ ⲙ́ϥⲁⲓⲣⲱⲟⲩϣ ϧⲁⲣⲟⲓ. 

Ⲁⲕϧⲱⲧⲉⲃ ⲙ́ⲡⲁⲛⲟⲩⲃⲓ ϧⲉⲛ ⲡⲉⲕⲙ́ϩⲁⲩ 

ⲁⲕⲱⲗⲓ ⲛ́ⲧⲁⲁⲡⲁⲣⲭⲏ ⲉ́ⲡ́ϣⲱⲓ ⲉ́ⲧⲫⲉ 

ⲟⲩⲱⲛϩ ⲛⲏⲓ ⲉ́ⲃⲟⲗ ⲛ́ⲧ́ⲡⲁⲣⲟⲩⲥⲓⲁ ⲛ́ⲧⲉ ⲡⲉⲕϫⲓⲛⲓ́

Ⲫⲁⲓ ⲉ́ⲧⲉⲕⲛⲏⲟⲩ ⲉ́ⲃⲟⲗ ⲛ́ϧⲏⲧⲥ ⲉϯϩⲁⲡ ⲛ́ⲛⲓⲉⲧⲟⲛϧ ⲛⲉⲙ ⲛⲓⲉⲑⲙⲱⲟⲩⲧ, 

Ⲟⲩⲟϩ ⲉ́ϯ ⲙ́ⲡⲓⲟⲩⲁⲓ ⲡⲓⲟⲩⲁⲓ ⲕⲁⲧⲁ ⲛⲉϥϩ́ⲃⲏⲟⲩⲓ́

Κατα το ελεος Σου Κυριε, Και μη κατα τας αμαρτιας ημων 

Ⲟⲣⲉⲅⲓⲁⲛⲟⲥ

Ⲁϣ ⲡⲉ Ϯⲉⲩⲭⲣⲏⲥⲧⲓⲁ ⲛ́ⲧⲉ ⲠⲬ̅Ⲥ̅ ⲁϥⲙⲁⲥϥ ϧⲉⲛ Ⲃⲏⲧⲗⲉⲉⲙ… ⲉ́ⲡⲓⲕⲉ ⲛ́ⲛⲉϥⲙⲁⲥϥ ϧⲉⲛ ⲡⲁϩⲏⲧ ⲁⲛ? 

Ⲡⲓⲥⲁϧ Ⲟⲣⲉⲅⲓⲁⲛⲟⲥ

Ⲥⲱⲧⲉⲙ ⲱ ⲛⲁⲙⲉⲛⲣⲁϯ

Ⲥⲱⲧⲉⲙ Ⲱ ⲛⲁⲙⲉⲛⲣⲁϯ

ⲟⲩⲮⲁⲗⲓⲁ̀ ⲉ̀ⲑⲃⲉ
ϯⲁⲅⲓⲁ̀ Ⲙⲁⲣⲓⲁ̀
ϧⲉⲛ Ⲭⲟⲓⲁⲕ ⲛⲉⲙ ⲛⲉⲥϣⲁⲓ ϩⲓϫⲉⲛ
ⲍ̅ ⲛ̀ⲥⲱⲃ

⁘ Ⲥⲱⲧⲉⲙ ⲱ ⲛⲁⲙⲉⲛⲣⲁϯ : ⲁⲣⲓⲛⲟⲓⲛ ⲕⲁⲗⲱⲥ :ⲁⲛⲁⲩ ⲟⲩⲟϩ ⲕⲁϯ : ⲉ̀ⲡ̀ⲥⲁϫⲓ ⲙ̀ⲡⲓϩⲩⲙⲛⲟⲇⲟⲥ .
Ⲇⲁⲩⲓⲇ ⲡⲓⲡ̀ⲣⲟⲫⲏⲧⲏⲥ ⲡⲓⲗⲉⲃⲅ̀ⲣⲁⲫⲟⲥ :ⲡⲓⲉⲣⲟⲯⲁⲗⲧⲏⲥ:ⲁϥϫⲟⲥ ϧⲉⲛ ⲡⲓⲯⲁⲗⲙⲟⲥ.
⁙ Ϫⲉ ϯⲛⲁⲥ̀ⲙⲟⲩ ⲉ̀Ⲡϭ̅ⲥ̅ :ⲛ̀ⲥⲏⲟⲩ ⲛⲓⲃⲉⲛ ⲛ̀ⲥⲏⲟⲩ ⲛⲓⲃⲉⲛ : ϧⲉⲛ ⲟⲩⲛⲓϣϯ ⲛ̀ϣ̀ⲣⲱⲓⲥ : ⲛⲉⲙ ⲙⲉⲧⲣⲉⲙⲣⲁⲩϣ ⲛⲓⲃⲉⲛ .
Ϩⲱⲥ ϩⲁⲛϩⲟⲗϫ ⲉ̀ⲙⲁϣⲱ : ⲛⲉ ⲛⲉⲕⲥ̀ⲃⲱⲟⲩⲓ̀ :ϧⲉⲛ ⲧⲁϣ̀ⲃⲱⲃⲓ ⲉ̀ϩⲱⲧⲉ ⲡⲓⲉ̀ⲃⲓⲱ̀ :ⲛⲉⲙ ⲡⲓⲙⲟⲗϩ ⲙ̀ⲡⲓⲛⲏⲓⲛⲓ .
⁘ Ϫⲉⲙϯⲡⲓ ⲁⲛⲁⲩ :ϫⲉ ⲟⲩϩⲉⲗϫⲉ ⲡⲉ Ⲡϭ̅ⲥ̅ :ⲱⲟⲩⲛⲓⲁⲧϥ ⲙ̀ⲫⲏⲉ̀ⲧⲉⲙ̀ⲙⲁⲩ :ⲉⲧⲉⲣϩⲉⲗⲡⲓⲥ ⲉ̀ⲣⲟϥ .
ⲥ̀ϭⲟⲥⲓ ⲉ̀ⲙⲁϣⲱ : ⲛ̀ϫⲉ ⲡⲁⲓϩⲱⲃ ⲛ̀ϣ̀ⲫⲏⲣⲓ : ⲛ̀ⲧⲉ ⲡⲓⲬ̅̅Ⲥ̅ ⲡ̀ⲟⲩⲣⲟ :ⲫⲏⲉⲧⲁϥⲉⲣⲣⲱⲙⲓ .
⁙ Ⲉ̀ⲃⲟⲗ ϧⲉⲛ Ⲙⲁⲣⲓ̈ⲁ̀ :ⲑ̀ⲙⲁⲩ ⲙ̀ⲡⲓⲧⲟⲩⲃⲟ :ⲑⲁϯⲡⲁⲣⲑⲉⲛⲓⲁ̀:ⲉⲧϫⲟⲗϩ ⲙ̀ⲡⲓⲧⲁⲓⲟ.
Ⲙⲁⲣⲉⲛ ϩⲱⲥ ⲉ̀ⲣⲟϥ : ⲧⲉⲛϭⲓⲥⲓ ⲙ̀ⲡⲉϥⲣⲁⲛ :ⲟⲩⲟϩ ⲧⲉⲛⲟⲩⲱϣⲧ ⲙ̀ⲙⲟϥ : ϫⲉ ⲁϥⲉⲣⲟⲩⲛⲁⲓ ⲛⲉⲙⲁⲛ.
⁘ Ⲟⲩⲟϩ ⲛ̀ⲧⲉⲛⲧⲁⲓⲟ : ⲛ̀ϯⲡⲁⲣⲑⲉⲛⲟⲥ : ⲛ̀ϩⲟⲩⲟ̀ ⲇⲉ ⲛ̀ϩⲟⲩⲟ̀ : ⲡⲉⲥⲭⲉⲣⲉⲧⲓⲥⲙⲟⲥ .
ϧⲉⲛ ϩⲁⲛ ⲉⲩⲫⲟⲙⲓⲁ̀ : ⲉⲑⲃⲉ ⲑⲏⲉ̅ⲑ̅ⲩ̅ : ϫⲉ ⲣⲁϣⲓ ⲱ Ⲙⲁⲣⲓⲁ̀ :ϧⲉⲛ ⲟⲩⲣⲁϣⲓ ⲉϥⲟⲩⲟⲁⲃ .
⁙ Ⲣⲁϣⲓ ⲱ Ⲙⲁⲣⲓ̈ⲁ̀ : ϯⲥⲱⲧⲡ ⲛ̀ⲧⲉ Ⲫ̀ⲓⲱⲧ : ⲣⲁϣⲓ ⲱ Ⲙⲁⲣⲓⲁ̀ :ϯⲡ̀ⲣⲟⲥⲧⲁⲧⲏⲥ ⲉ̀ⲧⲉⲛϩⲟⲧ .
Ⲣⲁϣⲓ ⲱ Ⲙⲁⲣⲓⲁ̀ : ⲡⲓⲑ̀ⲣⲟⲛⲟⲥ ⲙ̀ⲡⲓϣⲏⲣⲓ : Ⲣⲁϣⲓ ⲱ Ⲙⲁⲣⲓⲁ̀ :ϯϩ̀ⲣⲏⲣⲓ ⲉⲧⲁϥⲫⲓⲣⲓ .
⁘ Ⲣⲁϣⲓ ⲱ Ⲙⲁⲣⲓⲁ̀ : ⲫ̀ⲙⲁⲛ̀ϣⲱⲡⲓ ⲙ̀ⲡⲓⲠ̀ⲛⲉⲩⲙⲁ ⲉ̅ⲑ̅ⲩ : Ⲣⲁϣⲓ ⲱ Ⲙⲁⲣⲓⲁ̀ : ⲑ̀ⲙⲁⲩ ⲙ̀ⲫⲏⲉ̅ⲑ̅ⲩ .
Ⲣⲁϣⲓ ⲱ Ⲙⲁⲣⲓⲁ̀ :ⲡ̀ϩⲁⲣⲙⲁ ⲛ̀ⲛⲓⲬⲉⲣⲟⲃⲓⲙ : Ⲣⲁϣⲓ ⲱ Ⲙⲁⲣⲓⲁ̀ :ϯⲡⲉⲧⲣⲁ ⲛ̀ⲁⲧⲕⲓⲙ .
⁘ Ⲣⲁϣⲓ ⲱ Ⲙⲁⲣⲓⲁ : ⲡ̀ⲧⲉⲛϩ ⲛ̀ⲛⲓⲤⲉⲣⲁⲫⲓⲙ : Ⲣⲁϣⲓ ⲱ Ⲙⲁⲣⲓⲁ̀ ⲧ̀ϣⲉⲣⲓ ⲛ̀Ⲓⲱⲁⲕⲓⲙ .
Ⲣⲁϣⲓ ⲱ Ⲙⲁⲣⲓⲁ̀ : ⲧ̀ϣⲟⲩⲣⲏ ⲛ̀ⲛⲓⲡ̀ⲣⲉⲥⲃⲩⲧⲉⲣⲟⲥ : Ⲣⲁϣⲓ ⲱ Ⲙⲁⲣⲓⲁ̀ ⲫ̀ⲣⲁϣⲓ ⲛ̀ⲛⲓⲁⲅⲅⲉⲗⲟⲥ .
⁙ Ⲣⲁϣⲓ ⲱ Ⲙⲁⲣⲓⲁ : ⲑ̀ⲙⲉⲧⲓⲱⲧ ⲙ̀Ⲡⲉⲧⲣⲟⲥ : Ⲣⲁϣⲓ ⲱ Ⲙⲁⲣⲓⲁ̀ : ⲧ̀ⲥⲟⲫⲓⲁ̀ ⲙ̀Ⲡⲁⲩⲗⲟⲥ .
Ⲣⲁϣⲓ ⲱ Ⲙⲁⲣⲓⲁ̀ : ⲧ̀ϫⲟⲙ ⲛ̀Ⲁⲛⲁⲇⲣⲉⲁⲥ : Ⲣⲁϣⲓ ⲱ Ⲙⲁⲣⲓⲁ̀ : ⲑ̀ⲙⲁⲩ ⲙ̀Ⲙⲁⲥⲓⲁⲥ .
⁘ Ⲣⲁϣⲓ ⲱ Ⲙⲁⲣⲓⲁ̀ : ⲧ̀ⲡⲁⲣⲑⲉⲛⲓⲁ̀ ⲛ̀Ⲓⲱⲁⲛⲛⲏⲥ :Ⲣⲁϣⲓ ⲱ Ⲙⲁⲣⲓⲁ̀ ⲡ̀ⲧⲟⲩⲃⲟ ⲛ̀Ⲓⲁⲕⲱⲃⲟⲥ .
Ⲣⲁϣⲓ ⲱ Ⲙⲁⲣⲓⲁ̀ : ⲡ̀ⲟⲩⲛⲟϥ ⲙ̀Ⲫⲓⲗⲓⲡⲡⲟⲥ : Ⲣⲁϣⲓ ⲱ Ⲙⲁⲣⲓⲁ̀ ⲡ̀ⲟⲩϫⲁⲓ ⲙ̀Ⲙⲁⲧⲑⲉⲟⲥ .
⁙ Ⲣⲁϣⲓ ⲱ Ⲙⲁⲣⲓⲁ̀ : ⲡ̀ⲗⲁⲥ ⲙ̀Ⲃⲁⲣⲑⲟⲗⲟⲙⲉⲟⲥ : Ⲣⲁϣⲓ ⲱ Ⲙⲁⲣⲓⲁ̀ :ⲫ̀ⲛⲁϩϯ ⲛ̀Ⲑⲱⲙⲁⲥ .
Ⲣⲁϣⲓ ⲱ Ⲙⲁⲣⲓⲁ̀ : ⲡ̀ⲭⲟϩ ⲛⲤⲓⲙⲉⲱⲛ : Ⲣⲁϣⲓ ⲱ Ⲙⲁⲣⲓⲁ̀ : ⲫ̀ⲛⲱϩⲉⲙ ⲙ̀Ⲙⲁⲣⲕⲟⲥ .
⁘ Ⲣⲁϣⲓ ⲱ Ⲙⲁⲣⲓⲁ̀ : ⲡ̀ⲧⲁϫⲣⲟ ⲙ̀Ⲙⲁⲧⲑⲓⲁⲥ : Ⲣⲁϣⲓ ⲱ Ⲙⲁⲣⲓⲁ :ⲡ̀ⲧⲁⲗϭⲟ ⲛ̀Ⲗⲟⲕⲁⲥ .
Ⲣⲁϣⲓ ⲱ Ⲙⲁⲣⲓⲁ̀ : ⲡ̀ⲧⲁⲓⲟ ⲛ̀ⲛⲓⲡⲁⲧⲣⲓⲁⲣⲭⲏⲥ : Ⲣⲁϣⲓ ⲱ Ⲙⲁⲣⲓⲁ̀ : ⲡ̀ϩⲓⲱⲓϣ ⲛ̀ⲛⲓⲡ̀ⲣⲟⲫⲏⲧⲏⲥ .
⁙ Ⲣⲁϣⲓ ⲱ Ⲙⲁⲣⲓⲁ̀ : ⲡ̀ϣⲟⲩϣⲟⲩ ⲛ̀ⲛⲓⲙⲁⲑⲏⲧⲏⲥ : Ⲣⲁϣⲓ ⲱ Ⲙⲁⲣⲓⲁ : ⲑ̀ⲙⲁⲩ ⲙ̀ⲡⲓⲆⲉⲥⲡⲟⲧⲏⲥ .
Ⲣⲁϣⲓ ⲱ Ⲙⲁⲣⲓⲁ̀ :ⲡⲓⲭ̀ⲗⲟⲙ ⲛ̀ⲛⲓ⳥ : Ⲣⲁϣⲓ ⲱ Ⲙⲁⲣⲓⲁ̀ : ⲡ̀ⲑⲉⲗⲏⲗ ⲛ̀ⲛⲓⲇⲓⲕⲉⲟⲥ .
⁘ Ⲣⲁϣⲓ ⲱ Ⲙⲁⲣⲓⲁ̀ : ⲧ̀ϩⲉⲃⲥⲱ ⲛ̀ⲛⲓⲥ̀ⲧⲁⲩⲣⲟⲫⲟⲣⲟⲥ : Ⲣⲁϣⲓ ⲱ Ⲙⲁⲣⲓⲁ :ⲡ̀ⲧⲟⲩⲃⲟ ⲛ̀ⲛⲓⲡⲁⲣⲑⲉⲛⲟⲥ .
Ⲣⲁϣⲓ ⲱ Ⲙⲁⲣⲓⲁ̀ :ϯⲁⲅⲛⲓⲁ̀ ⲛ̀ⲛⲓⲁⲥⲕⲩⲧⲏⲥ : Ⲣⲁϣⲓ ⲱ Ⲙⲁⲣⲓⲁ̀ : ⲣⲱϥ ⲛ̀ⲛⲓⲟⲙⲟⲗⲅⲓⲥⲧⲏⲥ .
⁙ Ⲣⲁϣⲓ ⲱ Ⲙⲁⲣⲓⲁ̀ :ⲡⲓⲭ̀ⲗⲟⲙ ⲛ̀ⲧⲉ ⲡⲉⲛϣⲟⲩϣⲟⲩ : Ⲣⲁϣⲓ ⲱ Ⲙⲁⲣⲓⲁ̀ :ⲑ̀ⲙⲁⲩ ⲛ̀ⲛⲓⲉⲧⲟⲛϧ ⲧⲏⲣⲟⲩ .
Ⲣⲁϣⲓ ⲱ Ⲙⲁⲣⲓⲁ̀ : ⲧ̀ⲁⲡⲁⲣⲭⲏ ⲙ̀ⲡⲉⲛⲥⲱϯ : Ⲣⲁϣⲓ ⲱ Ⲙⲁⲣⲓⲁ̀ : ⲑ̀ⲙⲁⲩ ⲙ̀ⲡⲉⲛⲛⲟⲩϯ .
⁘ Ⲣⲁϣⲓ ⲱ Ⲙⲁⲣⲓⲁ̀ : ⲡ̀ⲧⲁϫⲣⲟ ⲙ̀ⲡⲉⲛⲧⲟⲩⲃⲟ : Ⲣⲁϣⲓ ⲱ Ⲙⲁⲣⲓⲁ̀ : ⲑ̀ⲙⲁⲩ ⲙ̀ⲡⲓⲟⲩⲣⲟ .
Ⲣⲁϣⲓ ⲱ Ⲙⲁⲣⲓⲁ̀ : ϯϭⲣⲟⲙⲡⲓ ⲉⲑⲛⲉⲥⲱⲥ : Ⲣⲁϣⲓ ⲱ Ⲙⲁⲣⲓⲁ̀ : ⲑ̀ⲙⲁⲩ ⲛⲒⲏ̅ⲥ̅ ⲠⲬ̅Ⲥ̅ .
⁙ Ⲣⲁϣⲓ ⲱ Ⲙⲁⲣⲓⲁ̀ :ⲡ̀ϣⲟⲩϣⲟⲩ ⲙ̀ⲡⲉⲛⲅⲉⲛⲟⲥ : Ⲣⲁϣⲓ ⲱ Ⲙⲁⲣⲓⲁ̀ : ⲟⲩⲟϩ ϯⲡ̀ⲣⲟⲥⲧⲁⲧⲏⲥ : ⲛ̀ⲧⲉ ⲛⲓⲡⲓⲥⲧⲟⲥ .
Ⲁⲣⲓⲡ̀ⲣⲉⲥⲃⲉⲩⲓⲛ ⲉ̀ϫⲱⲛ :ⲛⲁϩⲣⲉⲛ ⲫⲏⲉⲧⲁϥⲑⲁⲙⲓⲟⲛ : ϩⲟⲡⲱⲥ ⲛ̀ⲧⲉϥⲧⲁϫⲣⲟⲛ : ϧⲉⲛ ⲡⲓⲛⲁϩϯ ⲉⲧⲥⲟⲩⲧⲱⲛ .
⁘ Ⲛ̀ⲧⲉϥ ⲁⲣⲓϩ̀ⲙⲟⲧ ⲛⲁⲛ : ⲙ̀ⲡ̀ⲱⲛϧ ⲙ̀ⲡⲉⲛⲓⲱⲧ : Ⲡⲁⲡⲁ ⲁⲃⲃⲁ (ⲛⲓⲙ) : ⲡⲓⲙⲁⲛ̀ⲉ̀ⲥⲱⲟⲩ ⲉ̀ⲧⲉⲛϩⲟⲧ .
Ⲡⲁⲓⲣⲏϯ ⲡⲉϥϣ̀ⲫⲏⲣ : ⲛ̀ⲗⲩⲧⲟⲣⲅⲟⲥ ⲛ̀ⲁⲛⲟⲩϯ : ⲡⲉⲛⲓⲱⲧ (ⲙ̀ⲙⲉⲧⲣⲟⲡⲟⲗⲓⲧⲏⲥ ,ⲓⲉ , ⲛ̀ⲉ̀ⲡⲓⲥⲕⲟⲡⲟⲥ ) : ⲁⲃⲃⲁ (ⲛⲓⲙ) .
Ⲡⲁⲓⲣⲏϯ ⲛⲟⲩϣ̀ⲫⲏⲣ : ⲛ̀ⲗⲩⲧⲟⲣⲅⲟⲥ ⲛ̀ⲁⲛⲟⲩϯ : ⲛⲉⲛⲓⲱϯ ⲙ̀ⲙⲉⲧⲣⲟⲡⲟⲗⲓⲧⲏⲥ : ⲛⲉⲙ ⲛⲓⲉ̀ⲡⲓⲥⲕⲟⲡⲟⲥ
⁙ Ⲉ̀ⲑⲣⲟⲩⲁⲙⲟⲛⲓ ⲙ̀ⲙⲟⲛ : ϧⲉⲛ ⲡⲓⲙⲁ ⲙ̀ⲙⲟⲛⲓ : ⲙ̀ⲃⲁⲥⲓⲗⲓⲕⲟⲛ : ⲉⲥⲑⲱⲛ ⲛ̀ϩⲏⲣⲏⲛⲓ .
Ⲛⲉⲙ ⲛⲓϩⲩⲅⲟⲩⲙⲉⲛⲟⲥ : ⲛⲉⲙ ⲛⲓⲡ̀ⲣⲉⲥⲃⲩⲧⲉⲣⲟⲥ : ⲛⲉⲙ ⲛⲓⲇⲓⲁⲕⲱⲛⲟⲥ : ⲛⲉⲙ ⲛⲓⲗⲁⲓ̈ⲕⲟⲥ .
⁘ Ⲛⲉⲙ ⲛⲓⲙⲟⲛⲁⲭⲟⲥ :ⲉⲧϣⲱⲡ ϩⲓ ⲡ̀ϣⲁϥⲉ : ⲛ̀ⲧⲉⲛϭⲓⲙⲉⲣⲟⲥ :ⲛⲉⲙ ⲡⲓϩ̀ⲙⲟⲧ ⲛ̀ⲧⲉ ⲧ̀ⲫⲉ .
Ⲥⲉ ⲟⲛⲧⲱⲥ ⲧⲉⲛ ϯⲱⲟⲩ : ⲛ̀Ⲓⲏ̅ⲥ̅ ⲠⲬ̅Ⲥ̅ : ⲧⲉⲛⲭⲉⲣⲉⲧⲓⲥⲙⲟⲥ ⲑⲏⲉⲑⲙⲉϩ ⲛ̀ⲱⲟⲩ : Ⲙⲁⲣⲓⲁ̀ ϯⲡⲁⲣⲑⲉⲛⲟⲥ .

https://www.academia.edu/126505097/%E2%B2%A4%E2%B2%B1%E2%B2%A7%E2%B2%89%E2%B2%99_%E2%B2%B1_%E2%B2%9B%E2%B2%81%E2%B2%99%E2%B2%89%E2%B2%9B%E2%B2%A3%E2%B2%81%CF%AF?source=swp_share

أشعر بالبرد

اشعر بالبرد 

فادفئيني 

بين دفتي لهيبك

و ادفنيني 

فالشتاء لا يبالي 

بآلام حنيني 

فالجليد قاس

أصم عن أنيني 

و الشمس قد انطفأت 

كأيامي و سنيني 

و كمثل شيبي 

غابات صباي

علاها الجليد 

شيبا 

اشعليني 

بجمرة الفم 

بحمرة الشعر و الخد 

بجذوة نار قد نجت 

من فيضان الجليد 

بقلم لورانس و وليم

ⲡϩⲱⲥⲅ̅ ⲙ̅ⲣⲏⲥ

 

ϩⲁⲙⲏⲛ Ⲁⲗ : Ⲕ̅Ⲉ̅ 
Ⲕ̅ⲉ̅ Ⲕ̅Ⲉ̅ Ⲕ̅Ⲉ̅

1·Ⲕ̅ⲥ̅ⲙⲁⲙⲁⲁⲧ Ⲡ̅ϫⲟⲉⲓ̈ⲥ Ⲡ̅ⲛⲟⲩⲧⲉ ⲛ̅ⲛⲉⲛⲉⲓⲟⲧⲉ :ⲕ̅ⲣ̅ϩⲟⲩⲉ ⲥ̅ⲙⲁⲙⲁⲁⲧ :ⲕⲣ̅ϩⲟⲩⲉ̅ ϫⲓⲥⲉ ⲛ̅ϣⲁⲛⲉ̅ⲛⲉϩ
2·Ⲁⲩⲱ ϥ̅ⲥ̅ⲙⲁⲙⲁⲁⲧ ⲛ̅ϭⲓ ⲡⲣⲁⲛ: ⲙ̅ⲡⲉⲕⲉⲟⲟⲩ ⲉⲧⲟⲩⲁⲁⲃ : ⲕ̅ⲣ̅ϩⲟⲩⲉ ⲥ̅ⲙⲁⲙⲁⲁⲧ :ⲕⲣ̅ϩⲟⲩⲉ̅ ϫⲓⲥⲉ ⲛ̅ϣⲁⲛⲉ̅ⲛⲉϩ
3·Ⲕ̅ⲥ̅ⲙⲁⲙⲁⲁⲧ ϩ̅ⲙ ⲡⲉⲣⲡⲉ :ⲙ̅ⲡⲉⲕⲉⲟⲟⲩ ⲉ̅ⲧⲟⲩⲁⲃ: ⲕ̅ⲣ̅ϩⲟⲩⲉ ⲥ̅ⲙⲁⲙⲁⲁⲧ :ⲕⲣ̅ϩⲟⲩⲉ̅ ϫⲓⲥⲉ ⲛ̅ϣⲁⲛⲉ̅ⲛⲉϩ
4·Ⲕ̅ⲥ̅ⲙⲁⲙⲁⲁⲧ ⲡⲉⲧϭⲱϣⲧ :ⲉ̅ϫ̅ⲛ ⲛ̅ⲛⲟⲩⲛ:ⲉⲧϩ̅ⲙⲟⲟⲥ ⲉ̅ϩⲣⲁⲓ ⲉ̅ϫ̅ⲛ ⲛⲉⲭⲉⲣⲟⲩⲃⲓⲙ :ⲕ̅ⲣ̅ϩⲟⲩⲉ ⲥ̅ⲙⲁⲙⲁⲁⲧ :ⲕⲣ̅ϩⲟⲩⲉ̅ ϫⲓⲥⲉ ⲛ̅ϣⲁⲛⲉ̅ⲛⲉϩ
5·Ⲕ̅ⲥ̅ⲙⲁⲙⲁⲁⲧ ϩⲓϫ̅ⲙ ⲡⲉⲑⲣⲟⲛⲟⲥ ⲛ̅ⲉⲕⲙⲛ̅ⲧⲉⲣⲣⲟ : ⲕ̅ⲣ̅ϩⲟⲩⲉ ⲥ̅ⲙⲁⲙⲁⲁⲧ :ⲕⲣ̅ϩⲟⲩⲉ̅ ϫⲓⲥⲉ ⲛ̅ϣⲁⲛⲉ̅ⲛⲉϩ
6·Ⲕ̅ⲥ̅ⲙⲁⲙⲁⲁⲧ ϩ̅ⲙ ⲡⲉⲥⲧⲉⲣⲉⲱⲙⲁ ⲛ̅ⲧⲡⲉ :ⲕ̅ⲣ̅ϩⲟⲩⲉ ⲥ̅ⲙⲁⲙⲁⲁⲧ :ⲕⲣ̅ϩⲟⲩⲉ̅ ϫⲓⲥⲉ ⲛ̅ϣⲁⲛⲉ̅ⲛⲉϩ
7·Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲉϩⲃⲏⲩⲉ ⲧⲏⲣⲟⲩ ⲛ̅ϭⲓ Ⲡϫ̅ⲥ̅ : ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
8·Ⲥ̅ⲙⲟⲩ ⲉ̅Ⲡϫ̅ⲥ̅ ⲛ̅ⲙ̅ⲡⲏⲩⲉ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
9·Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲉⲁⲅⲅⲉⲗⲟⲥ ⲧⲏⲣⲟⲩ ⲙ̅Ⲡϫ̅ⲥ̅ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
10·Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲉⲙⲟⲟⲩ ⲧⲏⲣⲟⲩ  ⲉⲧⲥⲁⲡϣⲱⲓ ⲛ̅ⲧ̅ⲡⲉ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
11·Ⲥ̅ⲙⲟⲩ ⲉ̅Ⲡ̅ϫ̅ⲥ̅ ⲛⲉϭⲟⲙ ⲧⲏⲣⲟⲩ ⲛ̅ϭⲓ Ⲡϫ̅ⲥ̅ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
12·Ⲥ̅ⲙⲟⲩ ⲉ̅Ⲡϫ̅ⲥ̅ ⲡⲣⲏ ⲙ̅ⲛ ⲡⲟⲟϩ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
13·Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲉⲥⲓⲟⲩ ⲧⲏⲣⲟⲩ ⲛ̅ϭⲓ ⲧⲡⲉ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
14· Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲉⲙⲟⲩⲛϩⲱⲟⲩ ⲧⲏⲣⲟⲩ ⲙ̅ⲛ  ⲛⲉⲓⲱⲧⲉ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
15.Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲉϣⲏⲡⲉ ⲙ̅ⲛ  ⲛⲉⲛⲓϥ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
16· Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲉⲡ̅ⲛ̅ⲁ̅ ⲧⲏⲣⲟⲩ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
17·Ⲥ̅ⲙⲟⲩ ⲉ̅Ⲡϫ̅ⲥ̅ ⲡⲕⲱϩⲧ ⲙ̅ⲛ ⲡⲕⲁⲩⲙⲁ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
18·Ⲥ̅ⲙⲟⲩ ⲉ̅Ⲡϫ̅ⲥ̅ ⲡⲁⲣⲁϣ ⲙ̅ⲛ  ⲡⲕⲁⲩⲙⲁ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
19·Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲓⲱⲧⲉ ⲙ̅ⲛ ⲛⲉⲛⲓϥ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
20· Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲉⲩϣⲱⲟⲩⲉ ⲙ̅ⲛ  ⲛⲉϩⲟⲟⲩ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
21·Ⲥ̅ⲙⲟⲩ ⲉ̅Ⲡϫ̅ⲥ̅ ⲡⲟⲩⲟⲉⲓ̈ⲛ ⲙ̅ⲛ  ⲡⲕⲁⲕⲉ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
22·Ⲥ̅ⲙⲟⲩ ⲉ̅Ⲡϫ̅ⲥ̅  ⲡϫⲁϥ ⲙ̅ⲛ ⲡⲉⲭⲓⲱⲛ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
23· Ⲥ̅ⲙⲟⲩ ⲉ̅Ⲡϫ̅ⲥ̅ ⲡⲉⲡⲁⲭⲛⲏ ⲙ̅ⲛ ⲡⲉⲭⲓⲱⲛ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
24· Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲉⲃⲣⲏϣⲉ ⲙ̅ⲛ ⲛⲉⲗⲟⲟⲗⲉ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
25· Ⲥ̅ⲙⲟⲩ ⲉ̅Ⲡϫ̅ⲥ̅ ⲡⲕⲁϩ (ⲧⲏⲣϥ) :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
26·Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲧⲟⲩⲟ ⲙ̅ⲛ ⲛⲧⲁⲗ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
27·Ⲥ̅ⲙⲟⲩ ⲉ̅Ⲡϫ̅ⲥ̅ ⲙⲉϭⲣⲱⲱϭ ⲧⲏⲣⲟⲩ ⲛ̅ϭⲓ ⲡⲕⲁϩ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
28·Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲉⲡⲩⲅⲏ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
29· Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲉⲑⲁⲗⲁⲥⲥⲁ ⲙ̅ⲛ ⲛⲓⲉⲣⲱⲟⲩ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ  ⲛ̅ϣⲁⲛⲉ̅ⲛⲉϩ
30·Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲕⲏⲧⲟⲥ ⲙ̅ⲛ ⲛⲉⲧⲕⲓⲙ ⲧⲏⲣⲟⲩ ϩ̅ⲙ ⲙ̅ⲙⲟⲟⲩ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
31· Ⲥ̅ⲙⲟⲩ ⲉ̅Ⲡϫ̅ⲥ̅ ⲛϩⲁⲗⲁⲧⲉ ⲧⲏⲣⲟⲩ ⲛ̅ϭⲓ  ⲧⲡⲉ  :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
32· Ⲥ̅ⲙⲟⲩ ⲉ̅ Ⲡϫ̅ⲥ̅ ⲛⲑⲩⲣⲓⲟⲛ ⲙ̅ⲛ ⲛⲧⲃⲛⲟⲟⲩⲉ ⲧⲏⲣⲟⲩ  :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
33· Ⲥ̅ⲙⲟⲩ ⲉ̅Ⲡϫ̅ⲥ̅ ⲛϣⲏⲣⲉ ⲛ̅ϭⲓ ⲣⲱⲙⲉ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
34·Ⲥ̅ⲙⲟⲩ  ⲉ̅Ⲡϫ̅ⲥ̅ ⲡⲒ̅ⲏ̅ⲗ̅  :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
35·Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲉⲟⲩⲏⲏⲃ ⲧⲏⲣⲟⲩ ⲛ̅ϭⲓ  Ⲡϫ̅ⲥ̅  :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
36· Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲉϩ̅ⲙϩⲁⲗ ⲧⲏⲣⲟⲩ ⲛ̅ϭⲓ Ⲡϫ̅ⲥ̅ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
37· Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲉⲡ̅ⲛ̅ⲁ̅ ⲙ̅ⲛ ⲛⲉⲯⲩⲭⲏ ⲛ̅ⲛⲉⲇⲓⲁⲕⲁⲓ̑ⲟⲥ  :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
38· Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲉⲧⲟⲩⲁⲁⲃ ⲙ̅ⲛ ⲛⲉⲧⲑ̅ⲃⲃⲓⲏⲩ ϩ̅ⲙ ⲡⲉⲩϩⲏⲧ  :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
39· Ⲥ̅ⲙⲟⲩ ⲉ̅Ⲡϫ̅ⲥ̅ Ⲁⲛⲁⲛⲓⲁⲥ , Ⲁⲍⲁⲣⲓⲁⲥ Ⲙⲓⲥⲁⲏⲗ ⳿ ⲕⲁⲓ Ⲇⲁⲛⲓⲏⲗ⳿  :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ
40· Ⲥ̅ⲙⲟⲩ ⲉ̅Ⲡϫ̅ⲥ̅ ⲛⲉⲘⲁⲣⲧⲩⲣⲟⲥ ⲧⲏⲣⲟⲩ ⲛ̅ϭⲓ Ⲡϫ̅ⲥ̅ :ⲥ̅ⲙⲟⲩ ⲉ̅ⲣⲟϥ ⲁⲣⲓϩⲟⲩⲉ ϫⲁⲥϥ ⲛ̅ϣⲁⲛⲉ̅ⲛⲉϩ

https://www.academia.edu/126399114/%E2%B2%A0%CF%A9%E2%B2%B1%E2%B2%A5%E2%B2%85_%E2%B2%99_%E2%B2%A3%E2%B2%8F%E2%B2%A5

Ⲡⲉⲛⲓⲱⲧ Ⲓⲱⲥⲏ̣ⲫ̇ Ⲁⲥⲁⲁⲇ

Ⲉϣⲱⲡ ⲟⲩⲟⲛ  ⲛ́ⲧⲁⲕ ⲛ́ⲟⲩⲥⲏⲟⲩ ⲉ́ϣ́ⲑⲟⲣⲧⲉⲣ, 

ϩⲏⲡⲡⲉ ⲟⲩⲟⲛ ⲛ́ⲧⲁⲕ ⲛ́ⲟⲩⲥⲏⲟⲩ ⲛ́ⲧⲉⲕϣ́ⲗⲏⲗ 

Ⲡⲉⲛⲓⲱⲧ Ⲓⲱⲥⲏ̣ⲫ̇ Ⲁⲥⲁⲁⲇ

Ⲁⲛⲟⲛ ⲛ́ϩⲟⲟⲩⲧ ⲁⲛ ⲛⲉ

 

Ⲁⲛⲟⲛ ⲛ̅ϩⲟⲟⲩⲧ ⲁⲛ ⲛⲉ… ⲉ̅ϣⲱⲡ ⲙⲉⲉ ⲁⲥϫⲓⲥⲱϭ ϩ̅ⲛ ⲣⲱⲛ

Ⲁⲡⲁ ϣⲉⲛⲟⲩⲧⲉ ⲡⲁⲣⲭⲏⲙⲁⲛⲇⲣⲓⲧⲏⲥ

Ⲁⲛⲟⲛ ⲛ́ϩⲱⲟⲩⲧ ⲁⲛ ⲛⲉ,  ⲉ́ϣⲱⲡ ϯⲙⲉⲑⲙⲏⲓ ϭⲓϣⲱϣ ϧⲉⲛ ⲣⲱⲛ 

Ⲁⲃⲃⲁ Ϣⲉⲛⲟⲩϯ ⲡⲓⲁⲣⲭϫⲙⲁⲛⲇⲣⲓⲧⲏⲥ

لسنا رجالا مدامت، الحقيقة أُهينت في أفواهنا

الأنبا شنودة. رئيس المتوحدين

ϧⲉⲛ ⲡϫⲓⲛⲑⲣⲉⲥⲙⲟⲩⲛⲕ

ϧⲉⲛ ⲡϫⲓⲛⲑⲣⲉⲥⲙⲟⲩⲛⲕ ⲛ̀ϫⲉ ⲧⲁⲯⲩⲭⲏ ⲉ̀ⲃⲟⲗ ϩⲁⲣⲟⲓ ⲁⲓⲉⲣⲫⲙⲉⲩⲓ ⲙ̀ⲫⲛⲁⲓ ⲙ̀ⲡϭ̅ⲥ̅ ⲙⲁⲣⲉⲥⲓ̀ ⲛ̀ϫⲉ ⲧⲁⲡⲣⲟⲥⲉⲩⲭⲏ ⲉ̀ⲡϣⲱⲓ ϩⲁⲣⲟⲕ ⲉ̀ⲡⲉⲕⲉⲣⲫⲉⲓ ⲉⲑⲟⲩⲁⲃ

Ⲓⲱ ⲃ̅: ⲏ̅

Ⲁⲃⲃⲁ Ⲓⲁⲕⲱⲃⲟⲥ ⲡⲓϥⲉⲣⲓⲥⲓⲥ

Ⲭⲉⲣⲉ ⲛⲁⲕ ⲱ ⲡⲓⲘⲁⲣⲧⲓⲣⲟⲥ ⲭⲉⲣⲉ ⲡⲓϭⲱⲓϫ ⲛ́ⲅⲉⲛⲉⲟⲥ Ⲭⲉⲣⲉ ⲡⲓⲁⲑⲗⲟⲫⲱⲣⲟⲥ

ⲁⲃⲃⲁ Ⲓⲁⲕⲱⲃⲟⲥ ⲡⲓϥⲉⲣⲓⲥⲓⲥ 

Ⲧⲱⲃϩ ⲙ́Ⲡϭ̅ⲥ̅ ⲉ́ⲉϩⲣⲏⲓ ⲉ́ϫⲱⲛ: Ⲱ ⲡⲓ ⲁⲑⲗⲟⲫⲱⲣⲟⲥ ⲙ́ⲙⲁⲣⲧⲓⲣⲟⲥ ⲁⲃⲃⲁ Ⲓⲁⲕⲱⲃⲟⲥ ⲡⲓϥⲉⲣⲓⲥⲓⲥ ⲛ́ⲧⲉϥⲭⲁ ⲛⲉⲛ ⲛⲟⲩⲃⲓ ⲛⲁⲛ ⲉ́ⲃⲟⲗ 

Ⲡ́ⲱⲟⲩ ⲙ́ⲪϮ

Ⲡ́ⲱⲟⲩ ⲙ́ⲪϮ  ϧⲉⲛ ⲡ́ⲱⲛϧ ⲙ́ⲡⲓⲣⲱⲙⲓ ⲡⲉ… ⲡⲓⲁⲅⲓⲟⲥ Ⲏⲣⲏⲛⲉⲟⲥ

Ⲡⲉⲟⲟⲩ ⲙ̅ⲡ̅ⲛⲟⲩⲧⲉ ϩ̅ⲛ ⲡⲱⲛϩ ⲙ̅ⲡ̅ⲣⲱⲙⲉ ⲡⲉ

ⲠⲀⲅⲓⲟⲥ Ⲏⲣⲏⲛⲉⲟⲥ 

ⲫⲏⲉⲧⲉⲛⲁϥϫⲟⲥ ⲛⲱⲧⲉⲛ, ⲁⲣⲉⲧϥ

Ⲟⲩⲟϩ ⲉⲧⲁϥⲙⲟⲩⲛⲕ ⲛ́ϫⲉ ⲡⲓⲏⲣⲡ, ⲡⲉϫⲉ Ⲑ́ⲙⲁⲩ ⲛ́Ⲓⲏ̅ⲥ̅ ⲛⲁϥ ϫⲉ: ⲙ́ⲙⲟⲛⲧⲟⲩ ⲏⲣⲡ ⲛⲱⲟⲩ. 

Ⲟⲩⲟϩ ⲡⲉϫⲉ Ⲓⲏ̅ⲥ̅ ⲛⲁⲥ ϫⲉ: ⲁϧⲟ ⲛⲉⲙⲏⲓ ϩⲱⲓ, ϯⲥ́ϩⲓⲙⲓ, ⲙ́ⲡⲁⲧⲉⲥⲓ́ ⲛ́ϫⲉ ⲧⲁⲟⲩⲛⲟⲩ. 

Ⲡⲉϫⲉ ⲧⲉϥⲙⲁⲩ ⲇⲉ ⲛ́ⲛⲓⲇⲓⲁⲕⲟⲛ ϫⲉ: ⲫⲏⲉⲧⲉⲛⲁϥϫⲟⲥ ⲛⲱⲧⲉⲛ, ⲁⲣⲉⲧϥ

Ⲓⲱ ⲃ̅: ⲅ̅–ⲉ̅