ϯⲇⲟⲝⲟⲗⲟⲅⲓⲁ ⲛ̀ⲧⲉ ϯⲁⲛⲁⲥⲧⲁⲥⲓⲥ ذكصولوجية القيامة

 

ϯⲇⲟⲝⲟⲗⲟⲅⲓⲁ̀ ⲛ̀ⲧⲉ ϯⲁⲛⲁⲥⲧⲁⲥⲓⲥ ϧⲉⲛ ⲙ̅ⲣⲓⲥ ⲛⲉⲙ ⲙ̀ϩⲏⲧ
ذكصولوجية القيامة  بالقبطي الصعيدي و القبطي البحيري 

1
ⲧⲟⲧⲉ ⲁⲧ̅ⲛⲁⲡⲣⲟ ⲙⲟⲩϩ ⲛ̅ⲣⲁϣⲉ : ⲁⲩⲱ ⲁ ⲡⲉⲛⲗⲁⲥ ⲧⲉⲗⲏⲗ : ϫⲉ ⲡ̅ⲛϫⲟⲉⲓⲥ Ⲓ̅ⲥ Ⲡⲭ̅ⲥ  : ⲁϥⲧⲱⲟⲩⲛ ⲉⲃⲟⲗ ϩ̅ⲛ ⲛⲉⲧⲙⲟⲟⲩⲧ .
2
ⲁϥⲟⲩⲱⲥϥ ⲙ̅ⲡⲙⲟⲩ ϩ̅ⲛ ⲧⲉϥϭⲟⲙ : ⲁϥⲧⲣⲉⲡⲱⲛϩ ⲉⲣⲟⲩⲉⲓⲛ ⲉⲣⲟⲛ : ⲛ̅ⲧⲟϥ ⲟⲛ ⲡⲉⲛⲧⲁϥⲃⲱⲕ ⲉⲡⲉⲥⲏⲧ : ⲉⲛⲉⲧϣⲏⲕ ⲙ̅ⲡⲕⲁϩ.
3
ⲛⲙ̅ⲛⲟⲩⲧ ⲛ̅ⲁⲙⲛⲧⲉ :  ⲁⲩⲛⲁⲩ ⲉⲣⲟϥ ⲁⲩϩⲟⲧⲉ :ⲁϥⲧⲁⲕⲟ ⲛ̅ⲛⲛⲁⲁⲕⲉ ⲙ̅ⲡ̅ⲙⲟⲩ :ⲛ̅ⲛⲟⲩϣϭⲟⲙϭ̅ⲙ ⲉ̅ⲙⲟⲟⲛⲉ ⲙ̅ⲙⲟϥ
4
ⲁϥⲟⲩⲱϣϥ ⲙ̅ⲡⲩⲗⲏ ⲛ̅ϩⲟⲙⲛ̅ⲧ : ⲁϥϩⲱⲣϥ ⲙ̅ⲙⲟⲩⲭⲗⲟⲩⲥ ⲙ̅ⲡⲉⲛⲓⲡⲉ :ⲁϥⲉⲓⲛⲉ ⲉⲃⲟⲗ  ⲛ̅ⲛⲉϥⲡⲉⲧⲟⲩⲁⲁⲃ : ϩ̅ⲛ ⲟⲩⲟⲩⲛⲟϥ ⲙ̅ⲛ ⲟⲩⲧⲉⲗⲏⲗ .
5
ⲁϥϫⲓⲧⲟⲩ ⲉϩⲣⲁⲓ ⲛ̅ⲙⲁϥ : ⲉⲛⲛⲉϥⲙⲁⲛ̅ⲙ̅ⲧⲟⲛ : ⲁϥⲛⲁϩⲙⲟⲩ ⲉⲧⲃⲉ ⲡⲉϥⲣⲁⲛ :ⲁϥⲟⲩⲉⲛϩ ⲛⲉϥϭⲟⲙ ⲉⲃⲟⲗ .
6
ⲉⲧⲃⲉ ⲡⲁⲓ ⲉⲛⲟ ⲛ̅ⲣⲁⲙ̅ⲁⲟ : ϩ̅ⲛ ⲛⲁⲅⲁⲑⲟⲛ ⲉⲧϫⲏⲕ ⲉⲃⲟⲗ : ϩ̅ⲛ ⲟⲩⲡⲓⲥⲧⲓⲥ ⲉⲛⲯⲁⲗⲗⲉⲓⲛ : ⲉⲛϫⲱ ⲙ̅ⲙⲟⲥ ϫⲉ Ⲁ̅ⲗ.
7
ⲁ̅ⲗ ⲁ̅ⲗ :ⲁ̅ⲗ ⲁ̅ⲗ : Ⲓ̅ⲥ̅  ⲠⲬ̅Ⲥ̅ ⲡ̅ⲣ̅ⲣⲟ ⲙ̅ⲡ̅ⲉⲟⲟⲩ ⲁϥⲧⲱⲟⲩⲛ ⲉⲃⲟⲗ ϩ̅ⲛ ⲛⲉⲧⲙⲟⲟⲩⲧ
8
ⲡⲁⲓ ⲡⲉ ⲡⲉⲟⲟⲩ :ⲡⲣⲉⲡⲉⲓ ⲛⲁϥ :ⲙ̅ⲛ ⲡⲉϥⲉⲓⲱⲧ ⲛ̅ⲁⲅⲁⲑⲟⲥ :ⲙ̅ⲛ ⲡⲡ̅ⲛⲉⲩⲙⲁ ⲉⲧⲟⲩⲁⲁⲃ : ϫⲓⲛ ⲧⲉⲛⲟⲩ ⲙ̅ⲛ ϣⲁ ⲉⲛⲉϩ

1
ⲧⲟⲧⲉ ⲣⲱⲛ ⲁϥⲙⲟϩ ⲛ̀ⲣⲁϣⲓ : ⲟⲩⲟϩ ⲡⲉⲛⲗⲁⲥ ϧⲉⲛ ⲟⲩⲑⲉⲗⲏⲗ : ϫⲉ ⲡⲉⲛϭ̅ⲥ̅  Ⲓⲏ̅ⲥ̅ ⲠⲬ̅ⲥ̅  ⲁϥⲧⲱⲛϥ ⲉ̀ⲃⲟⲗ ϧⲉⲛ ⲛⲏⲉⲑⲙⲱⲟⲩⲧ .
2
ⲁϥⲕⲱⲣϥ ⲙ̀ⲫ̀ⲙⲟⲩ ϧⲉⲛ ⲧⲉϥϫⲟⲙ :ⲁϥⲑ̀ⲣⲉⲡ̀ⲱⲛϧ ⲉⲣⲟⲩⲱⲓⲛⲓ ⲉ̀ⲣⲟⲛ :ⲛ̀ⲑⲟϥ ⲟⲛ ⲫⲏⲉⲧⲁϥϣⲉⲛⲁϥ :ⲉⲛⲓⲙⲁ ⲉⲧⲥⲁⲡⲉⲥⲏⲧ ⲙ̀ⲡ̀ⲕⲁϩⲓ .
3
ⲛⲓⲙ̀ⲛⲟⲩⲧ ⲛ̀ⲧⲉ ⲁⲙⲉⲛϯ :ⲁⲩⲛⲁⲩ ⲉ̀ⲣⲟϥ ⲁⲩⲉⲣϩⲟϯ :ⲁϥⲧⲁⲕⲟ ⲛ̀ⲛⲓⲛⲁⲕϩⲓ ⲙ̀ⲫ̀ⲙⲟⲩ : ⲙ̀ⲡⲟⲩϣ̀ϫⲉⲙϫⲟⲙ ⲛ̀ⲁⲙⲟⲛⲓ ⲙ̀ⲙⲟϥ
4
ⲁϥϧⲟⲙϧⲉⲙ ⲛ̀ϩⲁⲛⲡⲩⲗⲏ ⲛ̀ϩ̀ⲟⲙⲧ :ⲁϥⲕⲱϣ ⲛ̀ϩⲁⲛⲙⲟⲬⲗⲟⲩⲥ ⲙ̀ⲃⲉⲛⲓⲡⲓ :ⲁϥⲓⲛⲓ ⲛ̀ⲛⲉϥⲥⲱⲧⲡ ⲉ̀ⲃⲟⲗ :ϧⲉⲛ ⲟⲩⲟⲩⲛⲟϥ ⲛⲉⲙ ⲟⲩⲑⲉⲗⲏⲗ .
5
ⲁϥⲟ̀ⲗⲟⲩ ⲉ̀ⲡ̀ϭⲓⲥⲓ ⲛⲉⲙⲁϥ : ⲉ̀ϧⲟⲩⲛ ⲉ̀ⲛⲉϥⲙⲁⲛ̀ⲙ̀ⲧⲟⲛ : ⲁϥⲛⲁϩⲙⲟⲩ ⲉⲑⲃⲉ ⲡⲉϥⲣⲁⲛ : ⲁϥⲟⲩⲱⲛϩ ⲛ̀ⲧⲉϥϫⲟⲙ ⲛⲱⲟⲩ ⲉ̀ⲃⲟⲗ .
6
ⲉⲑⲃⲉ ⲫⲁⲓ ⲧⲉⲛⲟⲓ ⲛ̀ⲣⲁⲙⲁⲟ : ϧⲉⲛ ⲛⲓⲁⲅⲁⲑⲟⲛ ⲉⲧϫⲏⲕ ⲉ̀ⲃⲟⲗ : ϧⲉⲛ ⲟⲩⲛⲁϩϯ ⲧⲉⲛⲉⲣⲯⲁⲗⲓⲛ : ⲉⲛϫⲱ ⲙ̀ⲙⲟⲥ ϫⲉ ⲁ̅ⲗ
7
ⲁ̅ⲗ ⲁ̅ⲗ : ⲁ̅ⲗ ⲁ̅ⲗ : Ⲓⲏ̅ⲥ ⲠⲬ̅ⲥ̅  ⲡ̀ⲟⲩⲣⲟ  ⲛ̀ⲧⲉ ⲡ̀ⲱⲟⲩ : ⲁϥⲧⲱⲛϥ ⲉ̀ⲃⲟⲗ ϧⲉⲛ ⲛⲏⲉⲑⲙⲱⲟⲩⲧ .
8
ⲫⲁⲓ ⲉⲣⲉ ⲡⲓⲱⲟⲩ ⲉⲣⲡ̀ⲣⲉⲡⲓ ⲛⲁϥ : ⲛⲉⲙ ⲡⲉϥⲓⲱⲧ ⲛ̀ⲁⲅⲁⲑⲟⲥ : ⲛⲉⲙ ⲡⲓⲡ̅ⲛ̅ⲁ̅  ⲉ̅ⲑ̅ⲩ̅ ⲓⲥϫⲉⲛ ϯⲛⲟⲩ ⲛⲉⲙ ϣⲁ ⲉⲛⲉϩ .

1
حينئذ امتلٱ فمنا فرحا : و لساننا تهليلا : لأن ربنا يسوع المسيح : قام من بين الأموات .
2
بقوته ابطل الموت : و جعل الحياة تضئ لنا : و هو ابضا الذي مضى : الى الأماكن التي أسفل الأرض .
3
بوابو الجحيم رأوه و خافوا : و أهلك طلقات الموت : فلم تستطع أ تهلكه .
4
سحق الأبواب النحاس : و كسر المتاريس الحديد : و أخرج مختاريه : بفرح و تهليل .
5
و أصعدهم معه الي العلو : الي مواضع راحته : خلصهم لأجل إسمه و أظهر قوته لهم .
6
فلهذا نحن أغنياء : بالخيرات الكاملة : و بايمان نرتل : قائلين : الليلويا
7
الليلويا الليلويا : الليلويا الليلويا : يسوع المسيح ملك المجد : قام من بين الأموات
8
هذا الذي  ينبغي له المجد : مع ابيه الصالح : و الروح القدس : من الآن و الى الأبد