صعيدي ترباس

صعيدي ترباس
و كان آخرة يكون بواب
أو يزرع لسان عصفور
في ابنوب 
لولا الحظ الاحول

 الملعون
الي بعت له برميل زبالة 

بيعوم

للشط التاني من الكون
لدنيا الناس الي فوق 

دنيا فلوس
بالكوم
دنيا فرص و حظوظ
و حقوق انسان و قانون

قال ايه 
بيقول
طلع هربان م الفقر 
الي سببه
الدكتاتور
طلع هربان  م الظلم
الي اسسه و خلاه
قانون 

و برضه لسه بيقول
احنا اسفين
يا ريس
و بيشتم الي قالوا
للحرامي غور
 الي قالوا
حمرا يا غول

 

وقال ايه مسميها
خمسة وعشرين خساير
و كأن الي ماتوا فيها

وبعديها

مش منها ولا اهاليها

 مؤامرة و قابضين 

وواكلين شاربين
كنتاكي و قمر الدين 

و قال كلهم اخوان
وقابضين من قطر 

و الامريكان

 بلا حقوق انسان
بلا بادنجان

ما هو اصله عايش براها 

في بلد سبحان من سواها 

عدل و جمال و عملة
ما اغلاها 

بس نسي 
ان سبب طفشانه 

و خرابها 
هو نفس ذات الريس
الي بيوجه له اعتذاره 

واسفه

بقلم  لورانس و وليم