عرفي أحمر
عرفي جميل و سمباتيك
اقتل فراخي
نتف الريش
اسرق البيض
و تعالي اقعد عرفي
و الدم في اديك
و القاعدة هتكون
علي مخدات من الريش
و انا اتغرغر بالدم
و ادن بالحمد ليك
ماهو عرفي احمر
و السواد لون الريش
و محدش بيدبح ديك
محدش بينتف منه الريش
طب ليه بقي ما اقعدش عرفي
ليه ما ادنش ليك ؟؟
ليه لما تدبح
اصيح
لأ طبعا
الحكمة بتقول
منقاري يندفن في العليق
اشي ترميم
اشي تصريح
و هيص يا جزاري العزيز
و عيش فراخ و بيض و ريش
و في الآخر
هاقعد معاك عرفي
و هادن ليك
و اكاكي ليك
ده انا عرفي احمر
و انا الديك
و انا الي ببيع الفراخ ليك
بقلم لورانس و وليم
No comments:
Post a Comment