حمامتك يا مرسي

حمامْتك يا مرسي - بقلم : ديانا أحمد
تاريخ النشر : 2012-07-16
حمامْتك يا مرسي ...

بقلم : ديانا أحمد

حمامتك يا مرسي حمامة الاخوان
خاينة يا مرسي واسأل عنان

نفسى يا مرسي اشبع وانام
وتغور يا مرسي وتغور نجلاء المدام
وابنك يا مرسي يغور كمان
ويغور يا مرسي كل الاخوان

حمامتك يا مرسي حمامة الاخوان
خاينة يا مرسي واسأل سليمان

---------

عليا الحرنكش يا ريس مرسي
في عصرٍ مزركش ملوّن بنارك
لابايعك وأبايع حكومة حمارك
ملعون أبو اللي يقدر يقاطع قرارك
نهاره مقندل وليله حالك
فهمبك وهجص وطلع في عيننا
أكيد هيا طالعة تشاهد جمالك

يا محلى حصارك لمصر اللي جالنا
نسيمها في عصرك بيشوي في بدنا
أؤيد وأبايع فخامة جلالتك
وأؤيد أي واحد بيمسح ريالتك
ولأنك سر باتع هاننسى هبالتك
فأقعد يا مرسي و دلدل حمامتك
حمامة الاخوان حمامتك يا ريس
سلامة الحمامة وسلامتك يا ريس
يا ريس حمامة يا ريس كويس
على تل مصر ياريتك تهيص
خرابة فسيحة عليها متيس
وأؤمر تطاع فشعبك مفيص

شايف يا مرسى تقسيم السودان
جنوب وشمال بعمايل الاخوان
ده غير خراب الصومال وبلاد الافغان
حمامتك يا مرسى حمامة الاخوان
خاينة يا مرسى واسأل عنان

بص يا مرسى فتنة الاخوان
فى ليبيا وتونس وسوريا كمان
وسميتوها ثورة يا أساتذة الإجرام
يا عملاء لواشنطن وإيران
ولسعود وقطر كمان ولأردوغان
حمامتك يا مرسى حمامة الاخوان
خاينة يا مرسى واسأل سليمان

يا مرسى يا أهطل يا نكبة الزمان
بفضل عسكر خاين جبان
وشعب ظلامى من بنى جهلان
مِسَلـِّم دقنه وبلده للسلفيين والاخوان

لك يوم منك نخلص ومن الاخوان
ومن سعود وطنطاوى والسلفيين كمان
وتبقى مصر علمانية زى الالمان
وزى فرنسا وامريكا وكل اوربا كمان