دعوة العيد للعبيد

دعوة العيد
تروح بس للعبيد
امال اسوار الحديد
و قلعة الجلاميد
لزمتها ايه
الداخل بتاعنا
و التلفزيون بتاعنا
و الكاميرا ماتصورش
إلا علي مزاجنا
تصقيف و هيصه و هولليله
و لمة عبيد العيله
و بوسه الخد
و الدم ملو اليد
و الدمع لسه عالخد
بس مايجيش
عالكاميرا الخبيثه
و اهه عيد
و الاسم صلاة
و الفعل نفاق
و اهه عيد
و الاسم بابا
لكنه افاق
و اهه عيد
و البلحة
علي اخر الزمن
بقت ست الغابات
بقلم لورانس و وليم