الدعارة الحلال

سؤال  وجه الي البطريرك السابق 
((واحدة بعتت للبابا سؤال تقول فيه : أنا بحب واحد يا سيدنا في نفس سني ونفسي أكمل معاه بقية حياتي بس المشكلة ان معندهوش الامكانيات المادية الكافية اللي تخلينا نكمل مع بعض , أعمل ايه؟
قالها يا بنتي شوفي طالما هو لسه قدك يبقي قدامه لسة دراسة , وبعد الدراسة هيدخل الجيش وبعد مايطلع من الجيش يدور علي شغل , وبعد مايدور علي شغل يقعد مدة يكون نفسه , وبعدما يكون نفسه يجيب شقة وبعد كدة يفرشها ........إلخ , وكل ده محتاج لوقت كبير يا بنتي وانت هتكوني كبيرتي واتجوزتي ويمكن انجبتي ,,,,, لو بتحبيه أوي أوي يعني ممكن تديله بنتك))

البعض  بينشره  علي سبيل البركه  او  النكته  او  خفة الدم 
طيب نقراه  بتحليل عقلاني  شوية

ايه  تعريف الدعارة  ؟؟؟

تقديم  خدمات جنسية  مقابل  المال  او ماشابه  من قيم  اقتصادية 
مثلا  مقابل  وجبة  اكل  او مقابل صفقة تجارية  او سياسية  ما 

طيب ايه  تعريف  الزواج  الي نقدر نستنتجه من اجابة  "قداسته "
؟؟؟؟؟
  الزواج  عقد كنسي ابدي  يتم  بواسطة سر مقدس 

لحد هنا جميل 
صح طيب و الباقي ؟الجديد في العريف
يتم  فيه  تقديم   خدمات جنسية  ابدية  "حيث لا طلاق الا لعلة الزنا " مقابل  
حماية اجتماعية  -  انفاق يعني :مال او ما شابه  من قيم اقتصادية  ..... الخ  ما جاء في تعريف  اللا مؤاخذة

يعني ببساطة 
قداسته  شايف 
ان  فيه  لا مؤاخذة 
فيه  عقدين  احدهما  ابدي  "عقد تمليك  "
و  عقد مؤقت  "عقد ايجار  او انتفاع او استغلال  "

قداسته  لو صح  نسب السؤال او الاجابه له 
ما اتكلمش  لا عن الحب  او القبول  او  الاخلاق او التعارف  او التوافق 

لأ 
اتكلم  ببساطة بمنطق  حموات الافلام العربي القديمة 

"الي ما معاهوش ما يلزموش "

مثلا ما انتقدش  مبالغة الاهالي في طلباتهم 
ولا   انتقد  "تعظم المعيشة  "و مغاالاة الاهل في  المظاهر الفارغة 
ولا انتقد مظهرية الافراح 
ولا  انتقد  العقبات و الصعوبات الي بتتحط  قدام اي علاقه  انسانية  - و ليست  تجارية  -
 
لأ انتقد و سخر و اتريأ علي  فقر  شاب  ورثه  من مجتمع  بيمجد الحرامية  الي سرقوا منه احلامه و حقه في الحياة 

و كله  ايه  ؟؟
كله بما يوافق  شرع الله


طيب  و النتيجة  ايه ؟؟؟

بيوت  مبنيه علي حاجتين 
جنس و فلوس 
و لو حاجة وقعت

خلاص البيوت  وقعت 

هو عارف انه  اشتراها بفلوسه علشان  الجنس 
لو  زهق  منها  هيعمل ايه ؟؟؟
هيشوف واحده  غيرها 

طيب  لو هو فلس  ؟؟؟

هتشوف  زبون  غيره  يدفع 

و الاخطر 

هو عارف  ان الجوا  مش بينه و بينها 

لا 
الجواز  بين  محفظته  و  جسمها 
 

طيب  نشوف الجهة المقابلة 
بالنسبة  للخليقة الغير  عاقلة 

عارفين السمك  ؟؟

ايوة 
المخلوق  الزفر  الغبي الي  عايش  في الميه 

فيه منه  انواع  زي 
الشيكلد 
و  الانجل فيش
و الديسكاس 
و دية  اسماك  زينة  عرفنا  سلوكها في التزاوج  علشان ال- لا مؤاخذة -  بشر  "تاج  الخليقة  و المخلوق الروحاني العاقل المتميز   علي تلك المخلوقات الدنيا  "  رباها  في احواض راقبها 

الاسماك  دية  في سن معين  بتبتدي  تختار شركاء  حياتها

لو  حصل  و اتفصلوا عن  بعض 
ما بيتجوزوش  تاني 
و احيانا  بينتحروا  
يصوموا عن الاكل   لحد ما يموتوا

و معروف ان الانواع دية  ما ينفعش  تشتري  سمكتين  و تتوقع  يتجوزوا و يفرخوا 
لا  لازم  تسيبهم في مجموعة من  6  اسماك  او اكتر  و تسيبهم  يختاروا  بعض 

بقلم  لورانس و وليم   
 الموضوع الاصلي الي بيمجد الدعارة الحلال 

https://www.facebook.com/photo.php?fbid=638989392812912&set=a.197580793620443.50997.197574443621078&type=1&ref=nf