ⲡⲓϫⲱⲙ ⲛ̀ⲧⲉ Ⲓⲱⲛⲁ ⲡⲓⲡ̀ⲣⲟⲫⲏⲧⲏⲥ

ⲡⲓϩⲟⲩⲓⲧ ⲛ̀ⲕⲉⲫⲁⲗⲉⲟⲛ

1: Ⲟⲩⲟϩ ⲁ̀ ⲟⲩⲥⲁϫⲓ ⲛ̀ⲧⲉ Ⲡϭⲟⲓⲥ ϣⲱⲡ  ϩⲁ Ⲓⲱⲛⲁ ⲡ̀ϣⲏⲣⲓ ⲛ̀ⲁⲙⲁⲑⲓ ⲉϥϫⲱ ⲙ̀̀ⲙⲟⲥ .
2: Ϫⲉ ⲧⲱⲛⲕ ⲟⲩⲟϩ ⲙⲁϣⲉⲛⲁⲕ ⲉ̀ϩ̀ⲣⲏⲓ ⲉ̀Ⲛⲓⲛⲉⲩⲏ ϯⲛⲓϣϯ ⲙ̀ⲃⲁⲕⲓ ⲟⲩⲟϩ ϩⲓⲱⲓϣ ⲛ̀ϧ̀ⲣⲏⲓ  ⲛ̀ϧⲏⲧⲥ  ϫⲉ ⲁϥⲓ̀ ⲉ̀ⲡ̀ϣⲱⲓ ϩⲁⲣⲟⲓ ⲛ̀ϫⲉ ⲡ̀ϧ̀ⲣⲱⲟⲩ  ⲛ̀ⲧⲉ ⲧⲉⲥⲕⲁⲕⲓⲁ̀ .
3: ⲟⲩⲟϩ ⲁϥⲧⲱⲛϥ ⲛ̀ϫⲉ Ⲓⲱⲛⲁ  ⲉⲑⲣⲉϥⲫⲱⲧ ⲉ̀Ⲑⲁⲣⲥⲓⲥ ⲉ̀ⲃⲟⲗ ϩⲁ ⲡ̀ϩⲟ ⲙ̀Ⲡ̀ϭⲟⲓⲥ ⲟⲩⲟϩ ⲁϥⲓ̀ ⲉ̀ϧⲣⲏⲓ  ⲉ̀Ⲓⲟⲡⲡⲏ ⲟⲩⲟϩ ⲁϥϫⲓⲙⲓ ⲛ̀ⲟⲩϫⲟⲓ ⲉϥⲛⲁϣⲉⲛⲁϥ ⲉ̀Ⲑⲁⲣⲥⲓⲥ ⲟⲩⲟϩ ⲁϥϯ ϩⲏⲙⲓ ⲟⲩⲟϩ ⲁϥⲁ̀ⲗⲏⲓ ⲉ̀ⲣⲟϥ  ⲉ̀ⲉⲣϩⲱⲧ ⲛⲉⲙⲱⲟⲩ ⲉ̀Ⲑⲁⲣⲥⲓⲥ ⲉ̀ⲃⲟⲗϩⲁ ⲡ̀ϩⲟ ⲙ̀Ⲡ̀ϭⲟⲓⲥ .
4:Ⲟⲟⲩϩ ⲁ̀ Ⲡ̀ϭⲟⲓⲥ  ⲧⲟⲩⲛⲟⲥ ⲟⲩⲛⲓϣϯ ⲛ̀ⲑⲏⲟⲩ ⲉ̀ϧ̀ⲣⲏⲓ  ⲉ̀ⲫ̀ⲓⲟⲙ ⲟⲩⲟϩ ⲁϥϣⲱⲡⲓ ⲛ̀ϫⲉ  ⲟⲩⲛⲓϣϯ ⲛ̀ϩⲱⲓⲙⲓ ϧⲉⲛ ⲫ̀ⲓⲟⲙ  ⲟⲩⲟϩ ⲛⲁⲫⲉⲣⲕⲩⲛⲉⲩⲓⲛ ⲛ̀ϫⲉ ⲡⲓϫⲟⲓ ⲉ̀ⲃⲱⲗ ⲉ̀ⲃⲟⲗ
5: ⲟⲩⲟϩ ⲁⲩⲉⲣϩⲟϯ ⲛ̀ϫⲉ ⲛⲓⲛⲉϥ ⲟⲩⲟϩ ⲛⲁⲣⲉ Ⲫ̀ⲟⲩⲁⲓ ⲫ̀ⲟⲩⲁⲓ ⲱϣ ⲉ̀ⲡ̀ϣⲱⲓ  ϩⲁ ⲡⲉϥⲛⲟⲩϯ ⲟⲩⲟϩ ⲁⲩϩⲓⲟⲩⲓ  ⲛ̀ⲛⲓⲥ̀ⲕⲉⲩⲟⲥ ⲉⲧϧⲉⲛ ⲡⲓϫⲟⲓ ⲉ̀ⲫ̀ⲓⲟⲙ  ⲉ̀ⲑⲣⲉϥⲁⲥⲓⲁⲓ ⲉ̀ⲃⲟⲗ ϩⲁⲣⲱⲟⲩ  .
Ⲓⲱⲛⲁ ⲇⲉ ⲁϥϣⲉⲛⲁϥ ⲉ̀ϧ̀ⲣⲏⲓ ⲉ̀ⲫ̀ⲟⲩⲉⲛⲧ ⲛ̀ⲧⲉ ⲡⲓϫⲟⲓ ⲟⲩⲟϩ ⲛⲁϥⲉⲛⲕⲟⲧ ⲟⲩⲟϩ ⲛⲁϥ ϧⲉⲣϧⲉⲣ .
6:Ⲟⲩⲟϩ ⲁϥϣⲉⲛⲁϥ ϩⲁⲣⲟϥ ⲛ̀ϫⲉ ⲡⲓⲛⲉϥ ⲉⲧϩⲓⲧ̀ϩⲏ ⲙ̀ⲡⲓϫⲟⲓ ⲟⲩⲟϩ ⲡⲉϫⲁϥ ⲛⲁϥ ϫⲉ ⲁ̀ϧⲟⲕ  ⲛ̀ⲑⲟⲕ ⲕ̀ϧⲉⲣϧⲉⲣ ⲧⲱⲛⲕ  ⲧⲱⲃϩ  ⲙ̀ⲡⲉⲕⲛⲟⲩϯ ⲁ̀ⲣⲏⲟⲩ ⲛ̀ⲧⲉ Ⲫⲛⲟⲩϯ ⲛⲁϩⲙⲉⲛ  ⲟⲩⲟϩ ⲛ̀ⲧⲉⲛϣ̀ⲧⲉⲙⲧⲁⲕⲟ .
7:Ⲟⲩⲟϩ ⲡⲉϫⲉ ⲫ̀ⲟⲩⲁⲓ ⲫ̀ⲟⲩⲁⲓ  ⲙ̀ⲡⲉϥϣ̀ⲫⲏⲣ ϫⲉ ⲁ̀ⲙⲱⲓⲛⲓ ⲛ̀ⲧⲉⲛ ϩⲓⲟⲩⲓ ⲛ̀ϩⲁⲛⲕ̀ⲗⲏⲣⲟⲥ ⲟⲩⲟϩ ⲛ̀ⲧⲉⲛⲉ̀ⲙⲓ ϫⲉ ⲉⲑⲃⲉⲟⲩ  ⲁ̀ ⲧⲁⲓ ⲕⲁⲕⲓⲁ ϣⲟⲡ ⲛ̀ϧⲏⲧⲉⲛ .
ⲟⲩⲟϩ ⲁⲩϩⲓ ⲕ̀ⲗⲏⲣⲟⲥ  ⲟⲩⲟϩ ⲁϥϩⲉⲓ ⲛ̀ϫⲉ ⲡⲓⲕ̀ⲗⲏⲣⲟⲥ ⲉ̀ϫⲉⲛ Ⲓⲱⲛⲁ .
8: Ⲟⲩⲟϩ ⲡⲉϫⲱⲟⲩ  ⲛⲁϥ ϫⲉ ⲙⲁⲧⲁⲙⲟⲛ ϫⲉ ⲉⲑⲃⲉ ⲟⲩ ⲧⲁⲓ ⲕⲁⲕⲓⲁ̀ ϣⲟⲡ ⲛ̀ϧⲏⲧⲕ ⲟⲩⲟϩ ⲟⲩ ⲧⲉ ⲧⲉⲕⲓⲟⲡⲏ ⲟⲩⲟϩ ⲁⲕⲛⲏⲟⲩ ⲉ̀ⲃⲟⲗⲑⲱⲛ ⲟⲩⲟϩ ⲛ̀ⲑⲟⲕ ⲟⲩ ⲉ̀ⲃⲟⲗ  ϧⲉⲛ ⲁϣ ⲛ̀ⲭⲱⲣⲁ ⲛ̀ⲑⲟⲕ ⲟⲩⲟϩ ⲉ̀ⲃⲟⲗ  ϧⲉⲛ ⲁϣ ⲛ̀ⲗⲁⲟⲥ .
9 : Ⲟⲩⲟϩ ⲡⲉϫⲁϥ ⲛⲱⲟⲩ ϫⲉ  ⲁ̀ⲛⲟⲕ  ⲟⲩⲃⲱⲕ ⲛ̀ⲧⲉ Ⲡ̀ϭⲟⲓⲥ  ⲁ̀ⲛⲟⲕ ⲟⲩⲟϩ Ⲡ̀ϭⲟⲓⲥ Ⲫ̀ⲛⲟⲩϯ ⲛ̀ⲧⲉ ⲧ̀ⲫⲉ ⲡⲉⲧⲁϥⲑⲁⲙⲓⲟ̀ ⲙ̀ⲫ̀ⲓⲟⲙ ⲛⲉⲙ ⲡⲉⲧϣⲟⲩⲱⲟⲩ .
10 : Ⲟⲩⲟϩ ⲁⲩⲉⲣϩⲟϯ ⲛ̀ϫⲉ ⲛⲓⲣⲱⲙⲓ ϧⲉⲛ ⲟⲩⲛⲓϣϯ ⲛ̀ϩⲟϯ ⲟⲩⲟϩ ⲡⲉϫⲱⲟⲩ  ⲛⲁϥ ⲛ̀ϫⲉ ⲟⲩ ⲡⲉ ⲉⲧⲁⲕⲁⲓϥ ϫⲉ ⲟⲩⲏⲓ ⲁⲩⲉ̀ⲙⲓ  ⲛ̀ϫⲉ ⲛⲓⲣⲱⲙⲓ  ϫⲉ ⲁϥⲫⲱⲧ ⲉ̀ⲃⲟⲗ ϧⲁ ⲧ̀ϩⲏ ⲙ̀ⲡ̀ϩⲟ ⲙ̀Ⲡϭⲟⲓⲥ  ϫⲉ ⲁϥⲧⲁⲙⲱⲟⲩ .
11: Ⲟⲩⲟϩ ⲡⲉϫⲉⲱⲟⲩ ⲛⲁϥ ϫⲉ : ⲟⲩ ⲡⲉ ⲉ̀ⲧⲉⲛⲛⲁⲁⲓϥ ⲛⲁⲕ ⲟⲩⲟϩ ⲛ̀ⲧⲉ ⲫ̀ⲓⲟⲙ ϩ̀ⲣⲟⲩⲣ ⲉⲃⲟⲗ ϩⲁⲣⲟⲛ  ϫⲉ ⲟⲩⲏⲓ ⲛⲁⲣⲉ ⲫ̀ⲓⲟⲙ  ⲱϣ ⲉ̀ⲃⲟⲗ ⲡⲉ ⲟⲩⲟϩ ⲛⲁϥ ⲛⲉϩⲥⲓ ⲛ̀ϩⲟⲩⲟ ⲛ̀ⲟⲩⲛⲓϣϯ ⲛ̀ϩⲱⲓⲙⲓ .
12 :Ⲟⲩⲟϩ ⲡⲉϫⲁϥ ⲛⲱⲟⲩ ⲛ̀ϫⲉ Ⲓⲱⲛⲁ ϫⲉ : ⲁ̀ⲗⲓⲧ ϩⲓⲧⲧ ⲉ̀ⲫ̀ⲓⲟⲙ  ⲟⲩⲟϩ ⲉϥⲉ̀ϩ̀ⲣⲟⲩⲣ ⲛ̀ϫⲉ ⲫ̀ⲓⲟⲙ  ⲉ̀ⲃⲟⲗ ϩⲁⲣⲱⲧⲉⲛ  ϫⲉ ⲟⲩⲏⲓ  ⲁⲓⲉ̀ⲙⲓ  ⲁ̀ⲛⲟⲕ  ϫⲉ ⲉⲑⲃⲏⲧ  ⲡⲁⲓⲛⲓϣϯ ⲛ̀ϩⲱⲓⲙⲓ ⲉϫⲉⲛ ⲑⲏⲛⲟⲩ .
13: Ⲟⲩⲟϩ ⲛⲁⲩϭⲓ ⲙ̀ⲙⲱⲟⲩ ⲛ̀ϫⲟⲛⲥ ⲛ̀ϫⲉ ⲛⲓⲣⲱⲙⲓ ⲉⲑⲣⲟⲩ ⲧⲁⲥⲑⲟ ⲉ̀ⲡⲓⲕⲁϩⲓ  ⲟⲩⲟϩ ⲛⲁⲩ ϣ̀ϫⲉⲙϫⲟⲙ ⲁⲛ  ⲡⲉ ⲟⲩⲟϩ  ⲟⲩⲛⲓϣϯ ⲛ̀ⲑⲏⲟⲩ ⲛⲁϥⲛⲉϩⲥⲓ ⲛ̀ϩⲟⲩⲟ ⲉ̀ϩ̀ⲣⲏⲓ ⲉ̀ϫⲱⲟⲩ .
14 : Ⲟⲩⲟϩ ⲁⲩⲱϣ ⲉ̀ⲡ̀ϣⲱⲓ ϩⲁ Ⲡϭⲟⲓⲥ  ⲟⲩⲟϩ ⲡⲉϫⲉⲱⲟⲩ ϫⲉ :ⲙ̀ⲫⲱⲣ Ⲡϭⲟⲓⲥ  ⲙ̀ⲡⲉⲛⲑ̀ⲣⲉⲛⲧⲁⲕⲟ ⲉⲑⲃⲉ ⲧ̀ⲯⲩⲭⲏ ⲛ̀ⲧⲉ ⲡⲁⲓⲣⲱⲙⲓ  ⲟⲩⲟϩ ⲙ̀ⲡⲉⲣⲓ̀ⲛⲓ ⲛ̀ⲟⲩⲥ̀ⲛⲟϥ ⲛ̀ⲑ̀ⲙⲏⲓ  ⲉ̀ϩ̀ⲣⲏⲓ  ⲉ̀ϫⲱⲛ  ϫⲉ ⲛ̀ⲑⲟⲕ ⲡⲉ Ⲡ̀ϭⲟⲓⲥ  ⲙ̀ⲫ̀ⲣⲏϯ ⲉⲧⲁⲕⲟⲩⲱϣ ⲁⲕⲓⲣⲓ .
15 : ⲟⲩⲟϩ ⲁⲩⲱ̀ⲗⲓ ⲛ̀Ⲓⲱⲛⲁ ⲁⲩϩⲓⲧϥ ⲉ̀ⲫ̀ⲓⲟⲙ  ⲉ̀ⲃⲟⲗ  ϧⲉⲛ  ⲡⲉϥⲕⲓⲙ .

16 : Ⲟⲩⲟϩ  ⲁⲩⲉⲣϩⲟϯ ⲛ̀ϫⲉ ⲛⲓⲣⲱⲙⲓ  ϧⲁⲧ̀ϩⲏ  ⲙ̀Ⲡϭⲟⲓⲥ  ϧⲉⲛ ⲟⲩⲛⲓϣϯ ⲛ̀ϩⲟϯ ⲟⲩⲟϩ ⲁⲩϣⲱⲧ ⲛ̀ⲟⲩϣⲟⲩϣⲱⲟⲩϣⲓ ⲙ̀Ⲡϭⲟⲓⲥ  ⲟⲩⲟϩ ⲁⲩⲱϣ ⲛ̀ϩⲁⲛⲉⲩⲭⲏ .